काठमाडौं उपत्यकाका सडकहरूमा नयाँ तथा आकर्षक प्रिमियम विद्युतीय ट्याक्सी ‘एक्सप्रेस–टी’ गुड्न थालेको छ ।

विगत एक महिनादेखि काठमाडौंका सडकमा गुड्न थालेको ‘एक्सप्रेस–टी’ वातावरणलाई पनि एकदम सुहाउँदा सार्वजनिक यातायात बनेको छ ।

छोटो समयमा यात्रुहरूको विशेष रोजाइमा परेको ‘एक्सप्रेस–टी’ले लोकोन्यावको जीपीएस प्रविधि जडान गरेर फ्लीट म्यानेजमेन्टको समेत सुविधा उपलब्ध गराएको छ ।

‘एक्सप्रेस–टी’का ट्याक्सी धनीहरूले अब आफ्नो मोबाइल फोनमार्फत नै गाडीको बारेमा सम्पूर्ण जानकारी प्राप्त गर्न सक्नेछन् ।

विद्युतीय ट्याक्सीको फ्लीट अपरेटरले आफ्नो गाडी कता छ, कति गुडेको छ र चालकले कुन गतिमा कसरी गुडाएको छ लगायतको जानकारी लोकोन्याव सिप्रदीको एपबाट सजिलै हेर्न सकिनेछ ।

जीपीएस जडित गाडी ग्राहकहरूको सुरक्षाका लागि पनि उपयुक्त भएकोले ग्राहकहरूले यो ट्याक्सीलाई निकै रुचाइरहेका छन् ।

आगामी दिनमा यो प्रविधिले सबै विद्युतीय सवारी साधनहरूलाई एउटै सिस्टममा ल्याउन र ट्रयाक गर्न मद्दत पुर्‍याउने कम्पनीको विश्वास छ ।
टाटा मोटर्सको ‘एक्सप्रेस–टी’ ग्राहक, यात्रु तथा सञ्चालकहरूले मन जित्न सफल भइरहेको छ ।

नयाँ प्रविधिका साथमा आकर्षक तथा सुरक्षित बनावट, पर्याप्त ठाउँ भएको ठूलो गाडी, सामान राख्न पर्याप्त बूट स्पेसले गर्दा पनि यो ट्याक्सी सबैको रोजाइमा पर्ने गरेको कम्पनीले जनाएको छ ।