नहरमा डुबेर कैलालीका एक शिक्षकको ज्यान गएको छ । कैलालीको लम्किचुहा नगरपालिका-३ बल्चौरस्थित रानी जमरा सिचाईं आयोजनाको नहरमा पौडी खेल्ने क्रममा डुबेर ३४ वर्षीय शिक्षक जब्बर बडुवालको निधन भएको इलाका प्रहरी कार्यालय चिसापानीले जनाएको छ ।

कार्यालयका अनुसार पौडी खेल्दा नहरमा डुबेका उनको उपचारको क्रममा लम्कीस्थित लालरत्न अस्पतालमा निधन भएको हो ।

लम्कीचुहा-५ चौरी घर भएका बडुवाल साेही ठाउँको जनजागृति माविका प्रधानाध्यापक थिए ।

उनको निधनमा दु:ख व्यक्त गर्दै शिक्षक महासंघ लम्कीचुहा नगर समितिले भोलि (बिहीवार) लम्कीचुहाका विद्यालय बन्द गर्ने निर्णय गरेको छ ।