×

NMB BANK
NIC ASIA

स्रोतसाधनविनै सीमा सुरक्षा

कतै त्रिपालमुनि, कतै भाडाको घरमा बीओपी : स्रोत साधनभन्दा संख्या थप्नमा ध्यान !

काठमाडाैं | जेठ २३, २०८०

NTC
Sarbottam
Premier Steels
Marvel

सरकारले पछिल्लो समय भन्सार राजस्व चुहावट कम गर्नका लागि भन्दै सशस्त्र प्रहरीको बोर्डर आउट पोस्ट (बीओपी) २२ स्थानमा थपेको छ ।

Sagarmatha Cement
Muktinath Bank

झापाको डाँगाबारी र आल्तामारी, सुनसरीको हर्बोनी, मोरङगको तारिगामा र मधुमल्ला, सप्तरीको काचन, बाराको सनफुलवा, बाँकेको गुर्जनगौरी र बडवागाउँ, बर्दियाको मानपुर टपरा, शक्तिपुर खैरीचन्दरपुर झप्टी, जमुनी, सानो डाँफे, टेपरी र शंकरपुर, दाङको भौरेसाल, बोक्यास्यारी (मुसी नाका), सुख्खा नाका, फोहरी कल्याणपुर र छेग्रियामा नयाँ बीओपी थपिएको सशस्त्र प्रहरीले जनाएको छ । 


Advertisment
RMC TANSEN
IME BANK INNEWS
shivam ISLAND

नयाँ बीओपी थप्ने लहर चले पनि कतिपय ठाउँमा अहिले पनि सशस्त्र प्रहरीका कर्मचारी पालमुनि बस्नुपर्ने बाध्यता छ । सरकारले बीओपीहरूलाई स्रोत/साधन सम्पन्न बनाउनेभन्दा पनि संख्या थप्नेतर्फ ध्यान दिएको छ ।


Advertisment
Nabil box
Kumari

सशस्त्रलाई सीमा सुरक्षाका लागि समर्पित फौजको रूपमा लैजाने भनेर अवधारणा बनाएपछि सशस्त्रले आफूहरूसँग स्रोत र साधन नभएको भनेर भन्न नमिल्ने आवस्था रहेको सशस्त्र प्रहरी बलका प्रवक्ता एसएसपी राजेन्द्र खड्काले बताए । 

Vianet communication
Laxmi Bank

‘सरकारको लक्ष्य नै डेडिकेटेड फोर्सका रूपमा लैजाने भनेपछि हामीले स्रोत साधन भएन भनेर मिल्दैन,’ प्रवक्ता खड्काले लोकान्तरसँग भने, ‘हामीसँग भएको स्रोत र साधनको उच्चतम प्रयोग गर्ने भन्ने संगठनको नीति छ ।’

उनका अनुसार बीओपीमा भएका स्रोत साधनको अवस्थाबारे तालुक मन्त्रालय गृहमन्त्रालयमा सबै कुराको जानाकारी भएको छ । त्यसका आधारमा मन्त्रालयमार्फत सरकार हुँदै स्रोत साधनको व्यवस्था गर्न पहल गरिरहेको प्रवक्ता खड्काले बताए ।

सरकारले भविष्यमा थप ५ वटा बीओपी बनाउने लक्ष्य लिएको प्रवक्ता खड्काले बताए । उनका अनुसार दक्षिणी सिमानाको काउन्टर पार्टमा प्रत्येक ३ किलोमिटरमा सीमा सुरक्षा फौज रहेका छन् । 

नेपालतर्फ करीब १० किलोमिटरको हाराहारीमा बीओपी स्थापना भएका छन् । भारतीय सीमा सुरक्षा बलको नजिक–नजिक ल्याउन अर्थात् ५ किलोमिटरको हाराहारीमा बीओपी थप गर्नुपर्ने अवस्था रहेको प्रवक्ता खड्काको भनाइ छ ।

सशस्त्रले नेपाल–चीन सीमाको तिंकर सिमानामा पनि बीओपी राख्ने तयारीको अन्तिम चरणमा पुगेको सशस्त्र प्रहरीले जनाएको छ । 

अहिले सीमा क्षेत्रमा भइरहेका अपराध नियन्त्रण, सीमा अतिक्रमणलगायतका विषयहरूलाई रोक्न सकिने भएकाले बीओपी बढाउनुलाई नराम्रो भन्न नमिल्ने पूर्व सशस्त्र प्रहरी नायब महानिरीक्षक (डीईजी) कृष्णभक्त ब्रह्माचार्यले बताए । 

तर, स्थापना भएका बीओपीहरूमा आवश्यक पर्ने सामग्री र सेवा सुविधामा पनि वृद्धि गर्नुपर्ने आवश्यकता रहेको पूर्व डीआईजी ब्रह्माचार्यको छ । 

‘बीओपी बढाउँदा राज्यलाई फाइदा हुन्छ नै तर थपिएका बीओपीहरूमा सेवा सुविधाहरू र भौतिक संरचनाको विकास भने राम्रो हुनुपर्छ,’ ब्रह्माचार्यले लोकान्तरसँगको कुराकानीमा भने, ‘अहिले सशस्त्रलाई सीमामा सीसीटीभी, नाइट भिजन क्यामेरा लगायतका उपकरणको आवश्यकता देखिन्छ, सरकारले त्यसतर्फ पनि ध्यान दिनु जरुरी छ ।’

सशस्त्र प्रहरीको बीओपी र नेपाल प्रहरीको प्रहरी चौकी एक ठाउँभन्दा पनि फरक–फरक ठाउँमा राख्दा त्यसले राज्यलाई सीमा सुरक्षाका लागि सहज हुने तर्क उनले गरे ।

दक्षिणका ४५ बीओपी भन्सार गुल्ममा स्तरोन्नति

सशस्त्र प्रहरी बलले सीमा सुरक्षालाई अझ मजबुत बनाउन ४५ वटा ‘सीमा सुरक्षा गुल्म’ स्थापना गर्ने भएको छ । 

पछिल्लो समय राजस्व चुहावट, चोरी तस्करी लगायत बढेकाले त्यसलाई नियन्त्रण गर्न सीमा सुरक्षा गुल्म स्थापना गर्ने प्रस्ताव गरिएको सशस्त्र प्रहरी बलका सहायक प्रवक्ता डीएसपी शैलेन्द्र थापाले जानकारी दिए । 

‘सीमा क्षेत्रका विभिन्न विषयलाई ध्यान दिएर ४५ ठाउँका बोर्डर आउट पोस्ट (बीओपी)लाई गुल्मका स्तरोन्नति गर्न लागिएको हो,’ डीएसपी थापाले लोकान्तरसँग भने ।

उनका अनुसार सीमामा हुने चोरी निकासी, लागूऔषध तस्करी, राजस्व चुहावट भएको देखिएकाले त्यसलाई नियन्त्रण गर्नका लागि देशको दक्षिणी सीमा अर्थात भारतीय सीमा नाकाहरूमा सीमा सुरक्षा गुल्म राखिने भएको हो । 

सशस्त्रले देशका बढी भीडभाड हुने र कारोबार धेरै हुने नाकाका बीओपीलाई उस्तरोन्नति गरेर गुल्ममा परिणत गर्ने भएको हो । गुल्ममा परिणत गरेपनि आर्थिक भार भने नथपिने डीएसपी थापाले दाबी गरे ।

‘पुरानै बीओपीका कर्मचारीलाई व्यवस्थापन गरेर चलाउने भएकाले आर्थिक हिसाबले कुनै भार पर्दैन,’ सहायक प्रवक्ता थापाले भने, ‘अहिले पुरानै भवन र जनशक्तिबाट गुल्म सञ्चालन हुन्छ ।’

एउटा भन्सार सुरक्षा गुल्मले त्यो ठाउँको अवस्था हेरेर २ देखि ७ वटा बीओपीलाई कमान्ड गर्नेछ । गुल्म थप्दा चेनअफ कमाण्डलाई पनि बलियो बनाउने सशस्त्रले दाबी गरेको छ । गुल्म स्थापना भएपछि बीओपीको कमान्डले गुल्मको कमान्डर र गुल्मको कमान्डरले जिल्लाको कमान्डरलाई बिफ्रिङ गर्नेछ । अहिले बीओपीको कमान्डरले सिधै जिल्लाको कमान्डरलाई बिफ्रिङ गर्दै आएको छ । 

अहिले बीओपीमा सशस्त्र प्रहरी निरीक्षक (इन्स्पेक्टर)को कमान्डमा अवस्था हेरेर ३५ जना कर्मचारीहरू रहँदै आएका छन् । अहिले उत्तरतर्फ ८ वटा बीओपी र दक्षिण तर्फ २२८ वटा बीओपी छन् । निवर्तमान आईजीपी शैलेन्द्र खनालले ५२० वटा बीओपी स्थापना गर्ने योजना बनाएका थिए । वर्तमान आईजीपी राजु अर्याल भने बीओपी बढाउने भन्दा भएकै बीओपीको क्षमता बढाउने पक्षमा रहेको एपीएफका एक अधिकृतले बताए ।

केही बीओपीमा पाल, काठको घर र खुला आकाशमुनि बसेर सीमा सुरक्षा गर्नुपर्ने बाध्यता छ भने अधिकांश बीओपीहरू भाडाको घरमा छन् ।

यसअघि भन्सार गुल्म, राजस्व तथा भन्सार गस्ती सुरक्षा गुल्म र राजस्व चुहावट नियन्त्रण गुल्म १२ वटा थिए । २०७५ सलामा सरकारले त्यसलाई खारेज गरिदिएको थियो ।  

कहाँ–कहाँ बस्दैछ सीमा सुरक्षा गुल्म ?

सशस्त्रले देशभरका ४५ ठाउँका बीओपीलाई गुल्ममा स्तरोन्नति गर्दैछ । इलामको पशुपतिनगर, झापाको काँकडभिट्टा, भद्रपुर, घेराबारी र गौरीगञ्ज गरी ४ ठाउँ, मोरङको बरदङ्गा, सोराभाग र रानी गरी ३ ठाउँ, सुनसरीको कप्तानगञ्ज र हरिपुर, सप्तरीको तातो नाका, सिराहाको इनरुवा र माडर, धनुषाको मौनाथपुर र जटहीमा सीमा सुरक्षा गुल्म रहने भएको छ ।

यस्तै, महोत्तरीको जलेश्वर र रघुनाथपुर, सर्लाहीको मलङ्गवा र सिमरा, रौतहटको गौर, बाराको पिपरपाटी, पर्साको वीरगञ्ज, अलउ, लहावर, थकरी भीखमपुर र सुवर्णपुर गरी ५ ठाउँ, चितवनको थर्थरे, पश्चिम नवलपरासीको हरपुर, पूर्व नवलपरासीको डण्डा, रुपन्देहीको सुनौली, कपिलवस्तुको कृष्णनगर र चाकर चौडा, दाङको कोइलाबास, बाँकेको नरैनापुर र जमुनाह, बर्दियाको कन्ठपुर र राजापुरमा पनि गुल्म राखिने भएको हो । 

यसैगरी, कैलालीको खक्रौला, खोनपुर, गुलरियाघाट र त्रिनगर गरी ४ ठाउँमा, कञ्चनपुरको बेलौरी, देवीस्थान र गड्डाचौकी नाका तथा दार्चुलाको गोलजिवीमा बीओपीलाई भन्सार गुल्ममा स्तरोन्नति गरिने भएको सशस्त्रका सहायक प्रवक्ता शैलेन्द्र थापाले बताए ।

hAMROPATRO BELOW NEWS
TATA Below
कात्तिक २७, २०८०

तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...

कात्तिक २२, २०८०

पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...

मंसिर १४, २०८०

नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...

पुस २५, २०८०

आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...

कात्तिक १५, २०८०

बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...

कात्तिक २७, २०८०

उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् ।  पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x