नक्कली शरणार्थी प्रकरणसम्बन्धी मुद्दामा सरकारी वकिलहरूको बहस सकिएर जाहेरवाला पक्षको शुरू भएको छ ।

थुनछेक बहसको तेस्रो दिन थप ३ जनाले बहस गरेपछि सरकारी वकिलहरूलाई छुट्ट्याइएको समय सकिएको हो ।

मंगलवार सरकारी वकिलहरू सुरबहादुर परियार, निर्मला मरासिनी र हिरालाल घोलनले बहस गरे ।

त्यसपछि जाहेरवाला रामकुमार रेग्मीसहित १५ जनाको तर्फबाट सुशीलकुमार सापकोटा र दीपक राजरेग्मीले बहस गरेका छन् ।

खाजा ब्रेकपछि जाहेरवाला पक्षको बहस जारी रहनेछ ।

जाहेरवाला र प्रतिवादीका वकिलहरूले बहस गरिसकेपछि पक्राउ परेकाहरूलाई थुनामा राख्ने कि धरौटी वा साधारण तारेखमा रिहा गर्ने भन्ने निर्णय आउनेछ ।