लुम्बिनी प्रदेशको नीति तथा कार्यक्रम प्रस्तुत (पूर्णपाठसहित)

लुम्बिनी प्रदेश सरकारले आगामी आर्थिक वर्ष २०८०/०८१ को नीति तथा कार्यक्रम प्रदेशसभामा प्रस्तुत गरेको छ ।

शुक्रवार प्रदेश सरकारको नीति तथा कार्यक्रम प्रदेश प्रमुख अमिक शेरचनले देउखुरीस्थित प्रदेशसभामा प्रस्तुत गरेका हुन् ।

कृषि, रोजगार, शिक्षा र स्वास्थ्यलाई प्राथमिकता दिएको नीति कार्यक्रममा १६९ बुँदा समावेश गरिएको छ ।

लुम्बिनी सरकारले गौरवका आयोजनाको विकासका लागि प्राथमिकताको नीति लिएको छ ।

उज्यालो लुम्बिनी प्रदेश गर्न विद्युतको स्तरोन्नति गर्ने, दुर्गममा वैकल्पिक उर्जाको नीति लिएको छ । विद्युतीय उर्जा खपत बढाउदै विद्युतीय सवारी साधनको प्रयोगमा प्रोत्साहन गर्दै १२ वटै जिल्लामा चार्जिङ स्टेशन बनाउने नीति लिएको छ ।

सरकारले आगामी वर्षको नीति कार्यक्रममा अहिलेसम्मका सरकारले ल्याएका राम्रा, उपयोगी र जनतामा उपलब्धिमूलक बनेका कार्यक्रमलाई निरन्तरता दिएको छ ।

नीति कार्यक्रमप्रति प्रमुख प्रतिपक्षी दल नेकपा एमालेले सतही आएको प्रतिक्रिया दिएको छ ।

एमाले संसदीय दलका नेता तथा पूर्व मुख्यमन्त्री लिला गिरीले नीति कार्यक्रम समग्र विषयवस्तु नै फितलो र हल्का रहेको बताए । ‘प्रदेशको समृद्धिका जुन आधार थिए तीनलाई साकार बनाउने खालका कार्यक्रम बनाइनुपर्ने थियो त्यसमा ध्यान दिइएको पाइएन ।

बरु यसले निराश बनाउने काम गरेको छ । अहिलेको परिस्थितिलाई सही ढंगले अध्ययन गरेको पनि पाइएन ।’ गिरीले भने ।