प्रमुख प्रतिपक्षी नेकपा एमालेका नेता केदार कोइरालाले जिल्ला निर्वाचन कार्यालय खारेज गर्ने प्रस्ताव गैरसंवैधानिक रहेको बताएका छन् । 

शुक्रवार आयोगले बोलाएको सर्वदलीय बैठकमा एमालेले जिल्ला निर्वाचन कार्यालय खारेज गर्ने प्रस्तावमा असहमति राखेको उनले बताए । 

उनले सरकारको प्रस्ताव संविधान र निर्वाचन आयोगको स्वायत्तता र स्वतन्त्रता विपरीत रहेको ठहर पार्टीले गरेको बताए । सबै राजनीतिक दलले सर्वसहमतिले सरकारको प्रस्तावविरुद्ध रहेको निर्णय निर्वाचन आयोगसँग छलफल गरेको पनि उनको भनाइ छ ।