काठमाडौं २५ भदौ– पशुपति शमशेर राणा नेतृत्वको राप्रपा सरकारमा सहभागि हुने भएको छ । आइतवार काठमाडौंमा बसेको सो पार्टीको संसदीय दलको बैठकले सरकारमा जाने निर्णय गरेको हो ।
राप्रपा प्रजातान्त्रिक स्रोतका अनुसार तीन जना मन्त्री सहित सरकारमा सहभागि हुने पक्का भएको छ । दीपक बोहरा, विक्रम पाण्डे र सुनील थापा मन्त्री बन्ने तय भएको छ । चारवटा मन्त्रालय पाएमा रामकुमार सुब्बापनि सरकारमा सहभागि हुनेछन् ।
यसैबीच राप्रपा प्रजातान्त्रिकले संसदीय दलको नेतामा बोहरा र उपनेतामा पाण्डेलाइ चयन गरेको छ । राप्रपा विभजनको विबाद बारेको रिटमा सर्वोच्च अदालतमा सोमवार छलफल हुँदैछ ।
