विवेकशील साझाको बागमती प्रदेश अध्यक्षमा अजित खड्का चयन भएका छन् । 

 भक्तपुरमा सोमबार सम्पन्न प्रदेश अधिवेशनले  खड्काको नेतृत्वमा १३ सदस्यीय प्रदेश समिति चयन  गरेको हो । 

प्रदेश निर्वाचन आयोगका प्रमुख शंकर बञ्जाडेका अनुसार  उपाध्यक्षमा डिजेन बस्नेत,सचिवमा शकिल अहमद र कोषाध्यक्षमा दिलकुमार केसी निर्वाचित भएका छन् । 

अधिवेशनले सदस्यहरुमा प्रेमप्रसाद वस्ती,आशिष कार्की, पूर्णलाल श्रेष्ठ, वैकुण्ठ दाहाल, शारदा लक्ष्मी प्रधान, मधुसुदन कार्की, नरेन्द्र श्रेष्ठ, अशोक अधिकारी र भुषण कुमार श्रेष्ठलाई चयन गरेको छ।
नव निर्वाचित पदाधिकारी तथा सदस्यहरुलाई प्रमाण पत्र वितरण एवं पद तथा गोपनियताको सपथ ग्रहण गराईएको प्रदेश अधिवेशन आयोजक समितिका संयोजक सुरज प्रधानले  जानकारी दिए।