क्रिकेटर सन्दीप लामिछानेविरुद्धको मुद्दाको सुनुवाइ सोमवार पनि स्थगित भएको छ ।

जिल्ला अदालत काठमाडौंका केही न्यायाधीशको सरुवा भएको तथा केही बढुवा भएर जान लागेकाले ७/८ वटा फाँटका मुद्दाको पेशी स्थगित भएको सूचना अधिकारी दीपक दाहालले बताए ।​

यसअघिको सुनुवाइमा थप प्रमाण झिकाउने आदेश भएको थियो । सन्दीपमाथि नाबालिक बलात्कारको अभियोग छ ।

जिल्ला अदालतले पुर्पक्षका लागि थुनामा पठाएका सन्दीप उच्च अदालतको आदेशबाट कारागारमुक्त भएका हुन् ।

सर्वोच्च अदालतले पनि यो मुद्दालाई छिटो टुंग्याउन आदेश दिएको थियो, तर मुद्दाको सुनुवाइ निरन्तर लम्बिँदै/सर्दै आएको छ ।