अस्ट्रेलियाविरुद्ध तीन खेलको एकदिवसीय क्रिकेट सिरिजका लागि भारतले दुई टिमको घोषणा गरेको छ । शुक्रबारबाट शुरू हुने सिरिजको शुरूआती २ खेलका लागि केएल राहुललाई कप्तान तथा रविन्द्र जडेजालाई उपकप्तान बनाइएको छ ।

शुरूआती दुई खेलका लागि कप्तान रोहित शर्मा र पूर्व कप्तान विराट कोहलीलाई समेटिएको छैन ।

रोहित र विराटलाई सेप्टेम्बर २७ मा हुने तेस्रो तथा अन्तिम खेलका लागि घोषणा गरिएको टिममा मात्र राखिएको छ । हार्दिक पाण्ड्या र कुलदिप यादव पनि शुरूआती दुई खेलका लागि टिममा अटाएका छैनन् ।

कप्तान रोहितले बिदा लिँदा विराटसहित अन्य खेलाडीलाई विश्राम दिइएको भारतीय क्रिकेट बोर्ड (बीसीसीआई) मुख्य छनोटकर्ता अजित अगरकरले बताउका छन् । 

विश्वकप घि उनीहरूलाई मानसिक रूपमा विश्रामको आवश्यकता रहेका कारण शुरूआती दुई खेलका लागि टिममा नसमेटिएको अगरकरले बताए । 

टिममा रविचंद्रन अश्विनलाई समेत समेटिएको छ । विश्वकप २०२३ मा स्थान बनाउन नसकेका उनलाई टिममा राखिएको हो ।