नेकपा (एमाले)को बागमती प्रदेश अध्यक्षका लागि कैलाश ढुंगेलको उम्मेदवारी दिएका छन् । उनकाे प्रस्तावकमा आनन्दकुमार श्रेष्ठ र समर्थकमा वचन देउजा रहेका छन् ।

सहमतिमा नेतृत्व छान्ने प्रक्रिया विफल भएपछि एमालेको बागमती अध्यक्षमा दुई जनाको उम्मेदवारी परेको छ । रामेछापका ढुंगेलसँगै मकवानपुरका दाहालले पनि उम्मेदवारी दर्ता गराएका छन् ।

उम्मेदवारी मनोनयन बुधवार साँझ ५ बजेसम्मका लागि तोकिएको छ । अध्यक्ष बाहेकको पदमा सहमतिका लागि प्रयास भइरहेको नेताहरूले बताएका छन् । 

असोज ८ गते शुरू भएको बागमती प्रदेश अधिवेशनको नयाँ नेतृत्व चयनका लागि निर्वाचन समितिले बिहीवार मतदान गर्ने कार्यक्रम छ । 

यसअघि लुम्बिनी प्रदेश कमिटी पनि मतदान प्रक्रियाबाट टुंगो लागेको थियो ।