नेकपा एमालेको बागमती प्रदेश अध्यक्षका लागि दुई जनाको उम्मेदवारी दर्ता भएको छ ।

थप दुई जनाले उम्मेदवारी फाराम लगेका छन् ।

रामेछापका कैलाश ढुंगेल र मकवानपुरका कृष्णप्रसाद दाहालले उम्मेदवारी दर्ता गराएका छन् । 

हिक्मत लामा प्रस्तावक र देव कृष्ण विकललाई समर्थक राखेर दाहालले उम्मेदवारी दर्ता गराएका हुन् । आनन्दकुमार श्रेष्ठलाई प्रस्तावक र बचन देउजालाई समर्थक राखेर ढुंगेलले उम्मेदवारी दर्ता गराएका हुन् । 

नुवाकोटका केशव पाण्डे र काठमाडौंका सानुकुमार श्रेष्ठले पनि अध्यक्षमा उम्मेदवारी दिने भन्दै मनोनयन फाराम लगेका छन् ।

तर उनीहरूले उम्मेदवारी दिने/नदिने टुंगो लागिसकेको छैन । 

उम्मेदवारी मनोनयनका लागि बुधवार साँझ ६ बजेसम्मको समय निर्धारण गरिएको निर्वाचन समितिले जनाएको छ।