कात्तिक १४ देखि अनिवार्य अवकाशमा जान लागेका सर्वोच्च अदालतका न्यायाधीश अनिलकुमार सिन्हा सोमवारदेखि इजलासमा बस्न छाडेका छन् ।​

सिन्हा इजलासमा बस्न छाडेसँगै सर्वोच्च अदालतमा न्यायाधीशको संख्या १४ मा झरेको छ । 

सर्वोच्च अदालतका सूचना अधिकारी गोविन्दप्रसाद घिमिरेले न्यायाधीश सिन्हा आजदेखि इजलास बस्न छाडेको लोकान्तरलाई जानकारी दिए ।

न्यायाधीश अवकाशमा जानुभन्दा एक महिनाअघिदेखि इजलासमा नबस्ने सर्वोच्चको परम्परा छ ।

सिन्हा वाणिज्यसम्बन्धी मुद्दाको विज्ञ न्यायाधीश मानिन्छन् । प्रतिनिधिसभा विघटनसम्बन्धी मुद्दाको फैसला गर्ने संवैधानिक इजलासमा समेत उनी थिए । 

नेपालको न्याय क्षेत्रमा सिन्हाका तीन पुस्ता नै सक्रिय रहेका थिए । सिन्हाको मामाघरतिरका हजुरबुवा देवनाथ बर्मा नेपालको पहिलो वकिल हुन् । सिन्हाका बुवा सुशील सिन्हा कर्पोरेट वकिल थिए । 

सिन्हा अवकाशमा गएपछि २१ जना न्यायाधीश रहने सर्वोच्चमा न्यायाधीशको संख्या १४ मा झरेको छ । 

पछिल्लोपटक विनोद शर्मा सर्वोच्चमा न्यायाधीश नियुक्त भएका थिए ।