२६ जेठ २०८३, मंगलबार
भारतको मणिपुर सरकारले राज्यमा मोबाइल इन्टरनेटमा लगाइएको प्रतिबन्द बढाएको छ । मणिपुरमा अक्टोबर ३१ सम्म मोबाइल इन्टरनेटमा लगाइएको प्रतिबन्द बढाइएको बीबीसी हिन्दीले जनाएको छ ।
समाचारमा जनाइएअनुसार मुख्यमन्त्री विरेन्द्र सिंहले इन्टरनेटमा लगाइएको प्रतिबन्द हटाउने बताएको एक हप्तापछि पुन: प्रतिबन्द बढाएको हो ।
केही असामाजिक तत्वले जनभावना भड्काउनेगरी तस्वीर र भिडियो फैलाउन सामाजिक सञ्जालको दुरुपयोग गर्न जोखिम रहेको भन्दै प्रतिबन्द बढाइएको हो ।
मणिपुरमा गत मईदेखि दुई समुदायबीच भड्किएको हिंसाका कारण पाँच महिनादेखि तनाब जारी छ ।
बिचमा केही समय इन्टरनेट बहाल गरिएको थियो ।
