×

नेपाल–भारत महिला मैत्री समाजको पहलमा भारतमा ४४ नेपाली विद्यार्थीलाई पूर्ण छात्रवृत्ति [भिडियोसहित]

काठमाडाैं | कात्तिक १७, २०८०

नेपाल–भारत महिलामैत्री समाजको पहलमा ४४ जना नेपाली विद्यार्थीले भारतमा पूर्ण छात्रवृत्तिमा उच्च शिक्षा अध्ययन गर्न पाउने भएका छन् ।

समाजले शुक्रवार राजधानी काठमाडौंमा विशेष कार्यक्रम गरी भारतका २ शैक्षिक संस्थासँग छात्रवृत्तिसम्बन्धी सम्झौता भएको जानकारी गराएको हो ।


Advertisment

null


Advertisment

गान्धी एजुकेसन ट्रस्ट कटिहार (बिहार) र बुद्ध इन्स्टिच्युट अफ टेक्नोलोजी (गया)मा २२–२२ गरी कुल ४४ जना विद्यार्थीलाई पूर्ण छात्रवृत्ति उपलब्ध गराउने गरी सम्झौता भएको नेपाल–भारत महिला मैत्री समाजकी अध्यक्ष एवं नेपाली कांग्रेसकी सांसद चन्दा चौधरीले बताइन् ।

आर्थिक समस्याका कारण उच्च शिक्षा अध्ययन गर्न नसकेका विद्यार्थीहरूलाई लक्षित गरेर छात्रवृत्ति कार्यक्रम शुरूआत गर्न लागिएको उनको भनाइ छ ।

‘सबैलाई गर्न त सक्दैनौं, तर केही व्यक्तिलाई भए पनि राहत हुन्छ कि भन्ने सोच बनाएर म र मेरो संस्थाको पहलमा छात्रवृत्ति कार्यक्रम शुरूआत गरेका छौं,’ सांसद चौधरीले भनिन् ।

null

गान्धी एजुकेसन ट्रस्टले डिप्लोमा इन नर्सिङ कोर्स अध्ययन गर्न ११ र बीएस्सी इन नर्सिङ कोर्स अध्ययन गर्न ११ गरी २२ जनालाई पूर्ण छात्रवृत्ति प्रदान गर्नेछ ।

त्यसैगरी बुद्ध इन्स्टिच्युट अफ टेक्नोलोजीले डिप्लोमा इन इन्जिनियरिङमा ११ र ब्याच्लर इन टेक्नोलोजी ( बी.टेक)मा ११ जनालाई पूर्ण छात्रवृत्ति उपलब्ध गराउनेछ ।

छात्रवृत्ति २०२४ को शैक्षिक क्यालेन्डर बाट शुरू हुने समाजले जनाएको छ ।

null 

ती दुवै संस्थाले थप २–२ जना बालबालिकालाई नेपालमै अध्ययन गर्न सम्पूर्ण खर्च उपलब्ध गराउने सम्झौता पनि भएको सांसद चौधरीले बताइन् ।

उनका अनुसार कक्षा एक कक्षादेखिकै ४ जना बालबालिकाले अध्ययनको खर्च पाउनेछन् । 

साना बालबालिकाको हकमा होस्टलमा राखेर पढाउनुपर्ने हो भने होस्टल तथा पढाइको सम्पूर्ण खर्च तथा आमाबाबुसँगै बसेर पढ्ने हो भने पढाइमा लाग्ने सबै खर्च ती संस्थाले ब्यहोर्ने उनको भनाइ छ ।

null

कार्यक्रममा गान्धी एजुकेसन ट्रस्टका अध्यक्ष डा. राजीवकुमार जैसवालले नेपाल–भारत सम्बन्धलाई अझै प्रगाढ बनाउनका लागि छात्रवृत्तिको सम्झौता भएको बताए ।

नेपाल–भारत महिलामैत्री समाजकी अध्यक्ष चन्दा चौधरीको पहलमा आफूहरूले छात्रवृत्ति उपलब्ध गराउने गरी सम्झौता गरेको भन्दै उनले समाजले छनोट गरेर पठाएका विद्यार्थीले छात्रवृत्ति पाउने बताए ।

null

यस किसिमको पहलकदमीका लागि अध्यक्ष चौधरीको प्रशंसा गर्दै उनले भारतमा अन्य शैक्षिक संस्थाहरूलाई पनि छात्रवृत्तिका लागि आग्रह गर्ने बताए ।

गरिब तथा जेहेन्दार विद्यार्थीको उच्च शिक्षा अध्ययनको सपना आर्थिक अभावले अलपत्र नपरोस् भनेर यस किसिमको कार्यक्रम शुरू गरिएको समाजले विज्ञप्तिमार्फत जनाएको छ ।

null

‘जेहेन्दार विद्यार्थीहरूको उच्च शिक्षा अध्ययन गर्ने सपना आर्थिक अभावले बन्द नहोस् भन्ने उद्देश्यका लागि भारतका प्रतिष्ठित शैक्षिक संस्थाहरूसँग छात्रवृत्तिका लागि पहल गरेका हौं,’ समाजले जारी गरेको विज्ञप्तिमा भनिएको छ, ‘नेपाल–भारत महिला मैत्री समाजले भविष्यमा पनि अन्तर्राष्ट्रिय शैक्षिक संस्थाहरूसँग नेपाली विद्यार्थीलाई पूर्ण छात्रवृत्तिका लागि पहल गर्नेछ ।’

हेरौं भिडियोः

 

माघ २४, २०८०

‘डा.ओम फाउन्डेसन’ले ‘विद्यालयस्तरीय खुल्ला राष्ट्रव्यापी कविता, बाल चित्रकला र हाजिरी जवाफ प्रतियोगिता’ गर्ने भएको छ । प्रणय दिवस तथा सरस्वती पूजाको अवसरमा फाउन्डेसनका संस्थापक वर...

बैशाख १३, २०८१

रूपन्देहीको तिलोत्तमास्थित शान्ति नमूना माविमा यो वर्ष कक्षा १ देखि ९ सम्म भर्ना हुन १ हजार ३६५ विद्यार्थीले आवेदन दिएका थिए । तर, विद्यालयमा ५८५ जना विद्यार्थीले मात्रै भर्ना पाए । भर्ना पाउनेमध्ये ९० प्रतिशतभन्द...

जेठ ६, २०८१

काठमाडौं महानगरपालिकाले महानगरबासीका लागि लोकसेवा तयारी कक्षा शुरू गरेको छ । गएको महिना वैशाख २२ गते सार्वजनिक सूचनामार्फत कक्षामा सहभागी हुन चाहने इच्छुक महानगरबासीलाई आवेदनका लागि आह्वान गरिएको थियो ।&...

कात्तिक २५, २०८०

पहाडी जिल्ला गुल्मीको दुर्गम क्षेत्रभित्र पर्छ गुल्मी दरबार गाउँपालिका । सोही गाउँपालिकाका दिदीभाइले गरेको मेहनतले अहिले सार्थकता पाएको छ ।  गुल्मी दरबार– ४ वीरबासका दिदीभाइ सोफिया चुदाली र सन्देश ...

जेठ १, २०८१

सरकारले आगामी पाँच वर्षभित्र सबै बालबालिकालाई आधारभूत शिक्षा प्राप्त हुने सुनिश्चितता गरेको छ । आर्थिक वर्ष २०८१/८२ को सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले विद्याल...

जेठ १३, २०८१

काठमाडौंको लिटल एन्जल्स कलेज अफ म्यानेजमेन्टले शिक्षा क्षेत्रमा उत्कृष्ट शिक्षण सिकाइको पद्धति खोज्ने अभिप्रायले एकदिने कार्यशाला गोष्ठीको आयोजना गरेको छ । कलेजले सामाजिक दायित्वअन्तर्गत शिक्षण सिकाइको उत्कृष्ट पद्धत...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

x