युरो कप छनोटअन्तर्गत समूह एफ अन्तर्गतको खेलमा बेल्जियमले अजरबैजानमाथि ५-० को जीत निकालेको छ । गएराति सम्पन्न खेलमा बेल्जियमका रोमेलु लुकाकु एक्लैले चार गोल गरे। लियान्द्रो ट्रोसार्डले एक गोल गरे । 

१७औं मिनेटमा लकाकुले खेलमा अग्रता दिलाएका थिए । उनले पहिलो हाफमा तीन गोल थपे । उनको २६औं मिनेटमा दोस्रो गोल र ३०औं मिनेटमा ह्याट्रिक पूरा गरे । ३७औं मिनेटमा ओरेल मंगालाको पासमा उनले व्यक्तिगत चौथो गोल गरे।

खेलको पाँचौं गोल भने ट्रोसार्डले खेलको अन्त्य तिर गरे। जीतपछि बेल्जियम अपराजित रहँदै युरो कपका लागि छनोट भएको छ ।