इंग्लिस प्रिमियर लिग: सिटीले अंक बाँड्यो, लिभरपुलको रोमाञ्चक जीत

इंग्लिस प्रिमियर लिग फुटबलमा म्यानचेस्टर सिटी र टोटेनहम हट्सपरबीचको खेल बराबरीमा सकिएको छ । गएराति भएको खेल ३-३ को रोमान्चक बराबरीमा सकिएको हो । 

टोटेनहमले खेलको अन्त्यतिर गोल गर्दै सिटीलाई जितबाट बन्चित गरेको हो । 

टोटेनहमका ह्युङ मिन सनले दुई गोल गर्दा सिटीका लागि ज्याक ग्रिलिस र फिल फोड गरे । जिओभानी लो सेल्सो र डेजान कुलुसेभ्स्कीले बराबरी गोल फर्काएका थिए ।

यस्तै, इंग्लिश प्रिमियर लिगकै अर्को खेलमा लिभरपुलले फुलहमविरुद्ध ४-३ को रोमाञ्चक जीत निकालेको छ । घरेलु मैदान एनफिल्डमा भएको खेलमा लिभरपुलले अन्तिम समयमा ४-३ को जीत निकालेको हो । 

यसैगरी प्रिमियर लिगकै अन्य खेलमा एएफसी बर्नमाउथ र एस्टन भिल्लाले २–२ गोलको बराबरी खेल्दै एक एक अंक थपेका छन् । चेल्सीले ब्राइटनलाई ३–२ गोल अन्तरले पराजित गरेको छ भने वेस्टह्याम र क्रिष्टल प्यालेसले पनि एक एक गोलको बराबरी खेल्दै अंक बाँडेका छन् ।

यससँगै सिटी १४ खेलमा ३० अंकसाथ तेस्रो स्थानमा झरेको छ । शीर्षस्थानको आर्सनलले ३३ र दोस्रो स्थानको लिभरपुलले ३१ अंक जोडेको छ । छैटौं स्थानको टोटेनहमको २६ अंक छ ।