५ वटा निर्माण कम्पनी कालोसूचीमा, ३ वर्षसम्म खरिद क्रियाकलापमा रोक [सूचनासहित]

 तोकिएको जिम्मेवारी पूरा नगर्ने ५ वटा निर्माण कम्पनी कालोसूचीमा परेका छन् । सार्वजनिक खरिद अनुगमन कार्यालयले विभिन्न सार्वजनिक निकायहरूबाट लेखी आए बमोजिम ती कम्पनीलाई कालोसूचीमा राख्ने निर्णय सोमबार गरेको हो ।

 ‘सार्वजनिक खरिद ऐन, २०६३ को दफा ६३ को उपदफा (१) बमोजिम यो सूचना प्रकाशित भएको मितिदेखि लागू हुने गरी तपसिलका निर्माण व्यवसायी तथा आपूर्तिकर्ताहरूलाई देहायको अवधिसम्म कालो सूचीमा राखिएकोले उक्त निर्माण व्यवसायी तथा आपूर्तिकर्ताहरूले कालो सूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नसक्ने व्यहोरा सम्बन्धित सबैको जानकारीका लागि यो सूचना प्रकाशित गरिएको छ’, मंगलबार प्रकाशित सूचनामा भनिएको छ ।  यस्तो कारबाही १ देखि ३ वर्षसम्म रहेको छ ।