सत्तारुढ दल नेपाली कांग्रेसमा हिन्दूराष्ट्रको माग गर्ने केन्द्रीय सदस्यको संख्या ३६ पुगेको छ ।

ललितपुरको गोदावरीमा मंगलवार जारी महासमिति बैठकमा ३६ जना केन्द्रीय सदस्यले हिन्दूराष्ट्रको पक्षमा हस्ताक्षर गरेका छन् ।

यसअघि २२ जना केन्द्रीय सदस्यले सभापति शेरबहादुर देउवालाई हस्ताक्षर बुझाएका थिए । महासमिति बैठकमा प्रस्ताव लानुअघि शंकर भण्डारीको नेतृत्वमा २२ जना केन्द्रीय सदस्यले हिन्दूराष्ट्रको पक्षमा हस्ताक्षर गरेका हुन् ।

प्रदेश–प्रदेशको छुट्टै हस्ताक्षर चलिरहेको छ । पूर्वमहामन्त्री डा शशांक कोइरालाले लुम्बिनीबाट हस्ताक्षर गरेका छन् ।

यस्तै हिन्दूराष्ट्रको पक्षमा महासमिति सदस्यले पनि हस्ताक्षर अभियान चलाएका छन् । हालसम्म ६५० भन्दा बढीले हस्ताक्षर गरिसकेका छन् ।