२६ जेठ २०८३, मंगलबार
नेकपा माओवादी केन्द्रले राष्ट्रिय सभा अध्यक्ष पदमा उम्मेदवारी दिने भएको छ ।
बुधबार बसेको स्थायी कमिटी बैठकले राष्ट्रिय सभा अध्यक्षका लागि आफ्नै उम्मेदवार अगाडि सार्ने निर्णय गरेको हो ।
कांग्रेस र माओवादी दुवैले राष्ट्रिय सभा अध्यक्षमा दाबी गर्दै आएका छन् ।
गठबन्धनमा सहमति अगावै माओवादीले आफ्नै उम्मेदवार उठाउने भनी निर्णय गर्नुलाई अर्थपूर्ण रूपमा हेरिएको छ ।
राष्ट्रिय सभा अध्यक्षका कारण गठबन्धन नै तलमाथि हुने आशंका व्यक्त भइरहेका बेला माओवादीको यस्तो निर्णय आएको हो ।
