विद्यार्थीलाई शेयर कारोबारबारे एक दिने प्रशिक्षण

रूपनगर क्याम्पसका विद्यार्थीलाई एक दिने शेयर कारोबार सम्बन्धी प्रशिक्षण दिइएको छ । शेयर कारोबार सिकेर त्यसबाट कसरी आम्दानी गर्न सकिन्छ भन्ने विषयमा बिहीबार विद्यार्थीलाई एक दिने प्रशिक्षण दिइएको हो । 

डिम्याट खाता, मेरो शेयर, आईपीओलगायत स्टकसम्बन्धी आधारभूत अवधारणा र तिनका प्रक्रियाबारे सहभागीहरूलाई व्यवहारिक ज्ञान दिइएको थियो । 

राष्ट्र संघीय निकाय 'यूएन उमन' का परामर्शदाता शिवकुमार रायले दिएको आधारभूत प्रशिक्षणमा ३० जना विद्यार्थी र केही अविभावक सहभागी थिए ।

प्रशिक्षक रायले शेयर बजारका विविध पक्षबारे जानकारी दिए । 

क्याम्पसका क्याम्पस प्रमुख प्राध्यापक दीपककुमार गजुरेलले विश्वविद्यालयले निर्धारण गरेको पाठ्यक्रम पढेर र प्रमाणपत्र हासिल गरेर मात्र नहुने भन्दै अहिलेको आवश्यकता अनुसारको सीप सिक्न सुझाव दिए ।