राप्रपाले आज संसद् बैठक अवरोध गर्ने

राष्ट्रिय प्रजातन्त्र पार्टीले आजको संसद् बैठक अवरोध गर्ने भएको छ । दुग्ध व्यवसायी किसान, मिटरव्याज पीडित र सहकारी पीडितको समस्या समाधानमा सरकार गम्भीर नबनेको भन्दै राप्रपाले संसद् अवरूद्ध गर्ने भएको हो ।

राप्रपा अध्यक्ष राजेन्द्र लिङदेनले गत १३ गतेको संसद् बैठकमा समस्या समाधाका लागि सरकारले ठोस काम नगरे अर्को बैठक अवरोध गर्ने जानकारी गराएका थिए । ‘मिटरव्याज पीडित, लघुवित्त पीडित र दुग्ध किसानको माग सम्बोधन नभए राप्रपा संसद् र सरकार दुवैतर्फ अडिन्छ’ लिङदेनले भनेका थिए ।