प्रचण्ड–ओलीबीच एकै दिन दोस्रो भेट

प्रधानमन्त्री पुष्पकमल दाहाल 'प्रचण्ड' र नेकपा एमालेका अध्यक्ष केपी शर्मा ओलीबीच आइतवार साँझ दोस्रो भेट भएको छ ।

प्रधानमन्त्री निवास बालुवाटारमा दुवै जनाबीच पछिल्लो एक घन्टादेखि छलफल जारी छ ।

प्रचण्ड र ओलीबीच आइतवार साँझ भेटवार्ता भएको बालुवाटार स्रोतले पुष्टि गर्‍यो । ‘साँझ पनि भेटवार्ता भएको हो, तर के विषयमा कुराकानी भएको थाहा भएन’, स्रोतले लोकान्तरसँग भन्यो ।

उनीहरू आज बिहान पनि छलफलमा जुटेका थिए।

'बिहान पनि अध्यक्ष जानुभएकाे थियो । अहिले पनि साढे ६ बजेपछि बालुवाटार जानु भएकाे छ', ओली निकट स्रोतले भन्यो ।

नेपाली कांग्रेसका सभापति शेरबहादुर देउवाले आफ्ना मन्त्रीहरूसँग निवासमा छलफल गरिरहेको बेला बालुवाटारमा प्रधानमन्त्री प्रचण्ड र एमाले अध्यक्ष ओलीबीच भइरहेको छलफललाई अर्थपूर्ण रुपमा हेरिएको छ ।