×

अध्यक्ष बन्न रस्साकस्सी

नेकपा एसको महाधिवेशन : सुझावको चरणमा ४ दस्तावेज, साताभित्रै १८ सय प्रतिनिधि छानिने

काठमाडाैं | जेठ ३१, २०८१

नेकपा एकीकृत समाजवादीले १० औं महाधिवेशनको तयारीलाई तीव्र बनाएको छ । 

एमालेबाट विभाजन भएको ३ वर्ष पुग्नै लाग्दा आगामी असार १६ देखि २० गतेसम्म हुन लागेको महाधिवेशनको तयारी अन्तिम चरणमा पुगेको नेताहरूले बताएका छन् ।


Advertisment

महाधिवेशनमा अध्यक्ष माधव नेपालको राजनीतिक प्रतिवेदन, सम्मानित नेता झलनाथ खनालको समाजवादी कार्यक्रम, उपाध्यक्ष डा. वेदुराम भुसालको विधान संशोधन प्रतिवेदन र महासचिव घनश्याम भुसालको सांगठनिक प्रतिवेदन पेस गर्ने तयारी छ ।


Advertisment

यी प्रतिवेदनमाथि केन्द्रमा छलफल भएपछि यतिखेर सुझावका लागि प्रदेश र पार्टीका विभिन्न संयन्त्रमा पठाइएको छ । यी सबै प्रतिवेदनमा आएका सुझावलाई समेटेर साझा दस्तावेज बनाउने र महाधिवेशनमा प्रस्तुत गर्ने तयारी समाजवादीको छ । 

पोलिटब्युरो सदस्य दिलकुमारी पन्तले पार्टी महाधिवेशनको अन्तिम तयारीमा लागेको जानकारी दिइन् । 

‘राजनीतिक, समसामयिक, सांगठनिक र विधानसम्बन्धी प्रतिवेदनहरूमा केन्द्रमा छलफल भएर प्रदेश, जिल्ला र स्थानीय तहसम्मै सुझावका लागि पुगिसकेका छन् । नेता/कार्यकर्ताले कमीकमजोरी रहेका ठाउँमा सुझाव दिने क्रम जारी छ,’ पन्तले लोकान्तरसँग भनिन्, ‘नेताको काम सकियो । अब तलबाट आएको सुझाव र महाधिवेशनमा समूहगत छलफलपछि प्रतिवेदनहरू पूर्ण बन्छन् ।’

कुन प्रतिवेदनमा के छ ?

अध्यक्ष नेपालको राजनीतिक प्रतिवेदनमा समसामयिक राजनीति, पार्टीको भावी कार्यक्रम, सत्तासमीकरण र गठबन्धनको बाध्यता, पार्टी विभाजनको औचित्य, विपक्षी पार्टीप्रतिको दृष्टिकोण, राष्ट्रियता, उत्पीडन, राष्ट्रिय र अन्तर्राष्ट्रिय परिस्थिति उल्लेख छ । अप्ठ्यारोको बीच पार्टीलाई हुर्काएर अहिलेको स्थितिसम्म ल्याएको व्याख्या नेपालले गरेका छन् । 

तर, महाधिवेशनमा अध्यक्ष नेपाललाई काउन्टर दिने तयारी गरेका सम्मानित नेता झलनाथ खनालले समाजवादी दस्तावेजमा पार्टीका नीति, सिद्धान्त, कार्यदिशाको विषयलाई उल्लेख गरेका छन् । पार्टीले प्रभावकारी कार्यदिशा नलिएका कारण सहज बाटो समाउन नसकेको खनालको मत छ । उनी अध्यक्ष नेपालसँग प्रतिस्पर्धा गर्नेसम्मको तयारी साथ अगाडि बढेका छन् । 

नेपालमा राजनीतिक लडाइँको चरण पूरा भएको भन्दै खनालले नागरिकलाई समृद्धिको दिशामा अगाडि बढाउन नेपाली मोडलको समाजवादी कार्यक्रम लागू गर्नुपर्ने विषयलाई जोड दिँदै आएका छन् । खनालको प्रतिवेदनमा पार्टीभित्र देखिएका अन्तरविरोध, यसका असर र  प्रभावसहितका विषय उल्लेख छन् । 

महासचिव भुसालको सांगठनिक प्रतिवेदनमा पार्टी संगठनको स्थिति, नेता कार्यकर्ता पलायन र चुस्त संगठन निर्माणको विषयलाई प्राथमिकता साथ उठाइएको जानकारी एक केन्द्रीय सदस्यले दिए । 

वेदुराम भुसालको विधान प्रतिवेदनले व्यवस्थित पार्टी प्रणालीको व्याख्या गरेको छ । 

५ असारभित्र प्रतिनिधि छनोट 

महाधिवेशनका लागि समाजवादीले ५ असारसम्ममा देशैभरबाट प्रतिनिधि छनोट गरिसक्ने लक्ष्य लिएको छ । पोलिटब्युरो सदस्य पन्तले १ हजार ८ सय हाराहारीमा महाधिवेशन प्रतिनिधि एक साताभित्र छानिने बताइन् । ‘हाम्रा करिब १ हजार ८ सय महाधिवेशन प्रतिनिधि हुनेछन् । प्रतिनिधि छनोटका लागि हामीले ५ असारसम्मको समय तोकेका छौं,’ उनले भनिन् । 

समाजवादीमा १२५ जिल्ला सदस्य बराबर एकजना महाधिवेशन प्रतिनिधि छानिने छन् । यसरी प्रतिनिधि छान्दा महिला र दलितलाई प्राथमिकता राखिने पन्त बताउँछिन् । 

प्रतिवेदन र प्रतिनिधि छनोटको मुख्य कामपछि महाधिवेशनको तयारी र व्यवस्थापनमा लाग्ने उनी बताउँछिन् । प्रचार प्रसार, अतिथि सत्कार, अर्थ परिचालन, संस्कृति तथा कला साहित्य, स्वास्थ्य व्यवस्थापन, खाद्य व्यवस्थापनसहितका कमिटी बनेका छन् ।

स्वतः प्रतिनिधि हुने व्यवस्था थपियो

समाजवादीको केन्द्रीय सचिवालय बैठकले केन्द्रीय कमिटी र केन्द्रीय तहका नेता पनि चुनिएर आउनुपर्ने प्रावधान फेरेको छ । बुधबार बसेको बैठकले अब केन्द्रीय कमिटीका सदस्य, केन्द्रीय आयोग र निकायका नेतालाई स्वतः महाधिवेशन प्रतिनिधि बनाउने निर्णय गरेको हो ।

पार्टीको यो निर्णयलाई महाधिवेशनमा हलबाट पारित गराएर लागू गर्ने तयारी समाजवादीको रहेको अर्का एक केन्द्रीय सदस्य बताउँछन् । 

केन्द्रीय तहका नेता पनि चुनिएरै आउनुपर्ने बहस समाजवादीभित्र थियो । तर, बुधबार सिनियर नेता नै यो विषयमा नअडिएको अर्का एक केन्द्रीय सदस्यले जानकारी दिए । 

‘विधान दस्तावेजमा समेत महाधिवेशन प्रतिनिधि तलबाटै निर्वाचित भएर आउनुपर्ने र त्यो केन्द्रका नेताको हकमा पनि लागू हुने भनिएको थियो । तर, अन्तिममा केन्द्रीय नेता नै यो विषयमा अडिनुभएन,’ ती केन्द्रीय सदस्य भन्छन्, ‘केन्द्रीय नेता नै पराजित हुने डर उत्पन्न भएपछि केन्द्रीय परिषद् बैठकको निर्णयलाई सचिवालयले उल्ट्याइदिएको छ ।’

नेतृत्वको लडाईंमा नेपाल र खनाल

एमालेबाट विभाजन भएर बनेको ३ वर्ष पुग्नै लाग्दा हुने पहिलो महाधिवेशनबाट अध्यक्ष माधवकुमार नेपालले फेरि दोहोरिने चाहना राखेका छन् । विभाजनपछिको पहिलो महाधिवेशनबाट अध्यक्षमा दोहोरिएर प्रभाव र विरासत कायम राख्ने उनको प्रयास छ ।

तर, तीन वर्षमा पनि पार्टी फुटको औचित्य पुष्टि हुने गरि नीति, कार्यक्रम, कार्यदिशा र सिद्धान्त अगाडि नसारेको भन्दै सम्मानित नेता झलनाथ खनालले यसपटक दबाब बढाउने देखिएको छ ।

पार्टीले तीन वर्षमा लय नै नसमाएको भन्दै खनालले आफू अध्यक्षमा अगाडि बढ्ने बताउँदै आएका छन् । केही दिनअगाडि लोकान्तरसँग कुराकानी गर्दै खनालले पार्टीमा थुप्रै नेता/कार्यकर्ता आफू अगाडि बढोस् भन्ने चाहनामा रहेको दाबी गरेका थिए ।

पछिल्लो समय समाजवादीमा खनालले केन्द्र र संसदीय दलमा आफ्नो उपस्थिति थप दरिलो बनाएको नेताहरू बताउँछन् । साथै, अध्यक्षमा महासचिव घनश्याम भुसालले पनि उम्मेदवारी दिन सक्ने नेताहरू बताउँछन् ।

पछिल्लो समय भुसाल पनि खनालनिकट रहेको दाबी नेताहरूको छ । दुईपटकसम्म महाधिवेशन सरिसकेको छ । तर, यसपालि भने कुनै हालतमा महाधिवेशन गर्ने नेताहरूको दाबी छ । 
 

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

बीपीको स्मृतिमा कांग्रेसले गर्नुपर्ने एउटा संकल्प

बीपीको स्मृतिमा कांग्रेसले गर्नुपर्ने एउटा संकल्प

साउन ६, २०८१

'आग्रहले भरिएको मस्तिष्कभन्दा खाली मस्तिष्क सत्यको नजिक हुन्छ' - थोमस जेफर्सन (तेस्रो अमेरिकी राष्ट्रपति) । हाम्रा प्रात: स्मरणीय नेता, विचार, सिद्धान्त र प्रथम जनक्रान्तिका प्रणेता बीपीको ४२ औं स्मृति दिवसको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

x