ओली सरकारले पायो पूर्णता, कांग्रेसका २ र नागरिक उन्मुक्तिका १ राज्यमन्त्री थपिए

केपी शर्मा ओली नेतृत्वको संघ सरकारमा ३ राज्यमन्त्री थपिएका छन् ।

प्रधानमन्त्री ओलीको सिफारिशमा राष्ट्रपति रामचन्द्र पौडेलले शुक्रबार नेपाली कांग्रेसका २ र नागरिक उन्मुक्ति पार्टीका एक सांसदलाई मन्त्री बनाएका हुन् ।

नागरिक उन्मुक्तिका अरूणकुमार चौधरी संस्कृति पर्यटन तथा नागरिक उड्डयन एवं कांग्रेसका रुपा विक र पूर्णबहादुर तामाङ क्रमश: वन तथा वातावरण र ऊर्जा, जलस्रोत तथा सिञ्चाइ राज्यमन्त्री बनेका छन् ।

यसअघि प्रधानमन्त्री ओली र २१ जना मन्त्री थिए । ३ राज्यमन्त्री थपिएसँगै संविधानले तोकेको अधिकतम सीमा २५ पुगेको छ ।

२१ मन्त्रीले प्रधानमन्त्री ओलीसँगै शपथ लिएका थिए ।