इजरायली ड्रोन आक्रमणमा हमासका अर्का नेता मारिए

प्यालेस्टाइनको चिकित्सा विभागले वेस्ट बैंकको एक क्षेत्रमा इजरायली ड्रोन आक्रमणमा स्थानीय हमास नेतासहित पाँच जनाको मृत्यु भएको जानकारी दिएको छ ।

इजरायली सेनाले यस आक्रमणको बारेमा भनेको छ कि उनीहरुको निशाना तुल्कारम शहर नजिकै रहेको विद्रोहीहरुको बेस थियो ।

इजरायली सेनाले एउटा गाडीमा आक्रमण गरेका थिए जसमा पाँच बन्दुकधारीहरू यात्रा गरिरहेका थिए । उनीहरू इजरायलमा आक्रमण गर्न गइरहेको दाबी गरिएको छ । 

प्यालेस्टिनी मिडियाका अनुसार इजरायली हमलामा मारिएका हमास नेताको नाम हैथम बलिदी रहेको खुलासा भएको छ । उनी हमासको सैन्य शाखा इज-ए-दीन अल-कसाम ब्रिगेडका स्थानीय कमाण्डर थिए।

पछिल्लो एक हप्तामा, इजरायलको सूचीमा समावेश गरिएका तीन ठूला हमासका नेताहरुको मृत्यु भएको छ। यसअघि हमासका शीर्ष राजनीतिक नेता इस्माइल हानिया इरानको राजधानी तेहरानमा भएको आक्रमणमा मारिएका थिए ।