बेलायतपछि अमेरिकाले पनि गर्‍यो आफ्ना नागरिकलाई तत्काल लेबनान छोड्न आग्रह

बेलायतपछि अमेरिकी सरकारले पनि आफ्ना नागरिकलाई तत्काल लेबनान छोड्न आग्रह गरेको छ ।

मध्यपूर्वमा बढ्दो तनावलाई लिएर लेबनानको राजधानी बेरुतस्थित अमेरिकी दूतावासले आफ्ना नागरिकलाई आइतवार यस्तो आग्रह गरेको बीबीसीको समाचारमा उल्लेख छ ।

‘जस्तो टिकट मिल्छ तुरुन्त लेबनान छोड्नु’ दूतावासले भनेको छ ।

बुधवार तेहरानमा हमास नेता इस्माइल हनियाको मृत्युपछि इरानले इजरायलमाथि जवाफी फायर गर्ने चेतावनी दिएको छ ।

इजरायलले बेरुदमा हिजबुल्लाहका सैन्य कमान्डर फौद शुक्र मारिएको दाबी गरेको केही घण्टापछि नै हनियाको पनि मृत्यु भएको खबर आएको हो । 

यसको जवाफमा हिजबुल्लाहले शनिवार राति लेबनानबाट उत्तरी इजरायलको बेत हिलेल इलाकामा केही रकेट प्रहार गरेको थियो । 

बेत हिलेल ​लेबनानसँग सीमाना जोडिएको क्षेत्र पर्छ । यसले गर्दा जोर्डनका विदेशमन्त्रीले पनि आफ्ना नागरिकलाई लेबनान छोड्न आग्रह गरेका छन् । 

इजरायल र हिजबुल्लाहबीचकाे चौतर्फी युद्ध र व्यापक क्षेत्रीय द्वन्द्वकाे डरका कारण बेलायत सरकारले पनि लेबनानमा रहेका आफ्ना नागरिकलाई तत्काल देश छोड्न आग्रह गरिसकेको छ । 

बेलायतको विदेश मन्त्रालयले एक विज्ञप्ति जारी गर्दै बेलायती नागरिकले लेबनान छोडे यसबाट सिर्जना हुने व्यावसायिक विकल्प उपलब्ध रहेको जनाएको छ ।

आफ्ना नागरिकलाई बेलायत सरकारको आग्रह– तत्काल लेबनान छोड्नू