वाणिज्य बैंकहरूले कमाए ६४ अर्ब १५ करोड खुद नाफा, कुन बैंकको कति ?

वाणिज्य बैंकहरूले ६४ अर्ब १५ करोड रुपैयाँ बढीको खुद नाफा आर्जन गरेका छन् । आर्थिक वर्ष २०८०/८१ मा २० वाणिज्य बैंकहरूले कुल ६४ अर्ब १५ करोड ३१ लाख १४ हजार ६०२ रुपैयाँ खुद नाफा कमाएका हुन् ।

वाणिज्य बैंकहरूले सार्वजनिक गरेको चौथो त्रैमाससम्मको विवरणअनुसार अघिल्लो आर्थिक वर्ष २०७९/८० को तुलनामा वाणिज्य बैंकहरूले ७ अर्ब ५७ करोड ८६ लाख ५५ हजार रुपैयाँले खुद नाफा बढाएका छन् । 

वाणिज्य बैंकहरूमा सबैभन्दा बढी नबिल बैंकले खुद नाफा कमाएको छ । यस्तै, सबैभन्दा कम माछापुच्छ्रे बैंकले नाफा कमाएको छ ।

अघिल्लो आर्थिक वर्ष २०७९/८० को तुलनामा १० वाणिज्य बैंकहरूको नाफामा गिरावट आएको छ । भने, १० वाणिज्य बैंकहरूले आफ्नो खुद नाफा बढाएका छन् ।

आर्थिक वर्ष २०८०/८१ मा सबैभन्दा बढी नबिल बैंकले ७ अर्ब ६ करोड ३३ हजार रुपैयाँ खुद नाफा कमाएको छ । नबिल बैंकले अघिल्लो आर्थिक वर्ष २०७९/८० मा कुल ६ अर्ब ५५ करोड ९७ लाख रुपैयाँ खुद नाफा आर्जन गरेको थियो । यस वर्ष नबलि बैंकले ६५ करोड ५० लाख रुपैयाँले खुद नाफा बढाएको छ ।

त्यस्तै, दोस्रो सबैभन्दा बढी नाफा कमाउनेमा ग्लोबल आईएमई बैंकले रहेको छ । ग्लोबल आईएमई बैंकले आर्थिक वर्ष २०८०/८१ मा कुल ६ अर्ब १ करोड ६२ लाख १६ हजार रुपैयाँ नाफा कमाएको छ ।

अघिल्लो आर्थिक वर्ष २०७९/८० मा ६ अर्ब ६९ करोड ४३ लाख ५८ हजार रुपैयाँ रहेको थियो ।

सबैभन्दा कम नाफा कमाउने बैंक माछापुच्छ्रे बैंक रहेको छ । यस बैंकले आफ्नो चौथो त्रैमासिकसम्म कुल १ अर्ब २५ करोड १ लाख ६७ हजार रुपैयाँ खुद नाफा कमाएको छ ।

जुन अघिल्लो आर्थिक वर्ष २०७९/८० मा १ अर्ब ६२ करोड ५५ लाख रुपैयाँ रहेको थियो ।

यस्तो छ वाणिज्य बैंकहरूको नाफा :