कांग्रेसमा ३८ वटा विभाग प्रमुख तोक्ने तयारी

नेपाली कांग्रेसका सभापति शेरबहादुर देउवाले आजै ३८ वटा विभाग प्रमुख तोक्ने तयारी गरेका छन् ।

केन्द्रीय कार्यालयका मुख्य सचिव कृष्णप्रसाद पौडेलले ३८ वटै विभागमा प्रमुख तोक्ने तयारी भइरहेको जानकारी दिए । 

‘विभागीय प्रमुखको टुंगो लागिसकेको छ । आजै साँझसम्मका उहाँहरूको घोषणा हुनेछ,’ पौडेलले लोकान्तरसँग भने । 

यस अघि कांग्रेसले १७ वटा विभागमा प्रमुख र केहीमा सदस्य चयन गरिसकेको छ । 

विधानतः महाधिवेशन भएको ६ महिनाभित्र पार्टीका सबै संरचनालाई पूर्णता दिनुपर्ने हुन्छ । तर कांग्रेसमा ३२ महिनापछि विभाग गठन हुन लागेका हुन् ।

यस अघि सुशील कोइराला र देउवा सभापति हुँदा पनि विभाग गठनमा सधैं किचलो हुँदै आएको थियो । 

यस पटक महामन्त्रीद्वय गगन थापा र विश्वप्रकाश शर्माले तयारी गरेर सभापतिलाई बुझाएपछि विभागीय प्रमुख तोकिन लागेका हुन् ।