फेरि २८ सय बिन्दुलाई छोएर फर्कियो नेप्से

तीव्र उतारचढावपछि नेप्से परिसूचक झिनो अंकले बढेर बन्द भएको छ । 

साताको अन्तिम कारोबार दिन बिहीबार नेपाल स्टक एक्सचेन्ज परिसूचक ६.७० अंकले  बढेर २७६६.३८ बिन्दुमा कायम भएको हो ।

यसदिन बजारमा ५ करोड ९ लाख ४६ हजार ८३२ कित्ता शेयरको खरिदबिक्री हुँदा २० अर्ब ७ करोड ४ लाख ३४ हजार रुपैयाँको कारोबार भएको छ । 

अघिल्लो दिन बुधवार मात्रै १०८ अंकले बढेर बन्द भएको बजारमा आज कारोबार खुलेदेखि तीव्र उतारचढाव देखियो । बिहीबार शेयर बजार कारोबार खुलेको २० मिनेट अर्थात् ११ बजेर २० मिनेटमा परिसूचकले २८०० को बिन्दुलाई पार समेत गरेको थियो । 

आज आधा दर्जन कम्पनीको शेयर सकारात्मक सर्किट लेबलमा कारोबार भएको छ । यस दिन कर्णाली डेभलपमेन्ट बैंक, शिभम् सिमेन्ट, घोराही सिमेन्ट इन्डस्ट्री, मिडसोलु हाइड्रोपावर, सोनामपुर मिनरल्स एण्ड आलय, सर्वोत्तम सिमेन्टको शेयर मूल्य १० प्रतिशतले बढेको छ । 

त्यस्तै, कारोबारका आधारमा शिभम् सिमेन्ट १ अर्ब २० करोड ९ हजार रुपैयाँको कारोबारका साथ शीर्ष स्थानमा रहेको छ । 

यस साताको पहिलो कारोबारका दिन आइतबार नेप्से कारोबार बन्द रह्यो । 

साताको दोस्रो दिन सोमबार नेप्से परिसूचक ४०.७६ अंकले बढेर २७९६.३८ को बिन्दुमा कायम भयो । 

त्यस्तै, साताको तेस्रो कारोबारका दिन मंगलबार नेप्से परिसूचक १४५ अंकले घटेर २६५१.३२ को बिन्दुमा अडियो । उक्त दिन शेयर बजारमा हालसम्मकै उच्च कारोबारले नयाँ रेकर्ड कायम गर्‍यो । जहाँ २३ अर्ब ७१ करोड रुपैयाँको कारोबार भएको थियो । 

साताको चौथो कारोबार दिन बुधवार १०८ अंकको वृद्धि देखिएको थियो । उक्त दिन १७ अर्बको रुपैयाँको कारोबार भएको थियो । 

त्यसैगरी साताको अन्तिम कारोबारका दिन बिहीबार नेप्से ६.७० अंकले बढेर बन्द भएको छ ।