आँबुखैरेनीमा एकसाथ दुई दुर्घटना, १३ जना घाइते

पृथ्वी राजमार्गअन्तर्गत तनहुँको आँबुखैरेनी–३ मिलनचोकमा एक साथ दुइटा सवारी साधन दुर्घटना भएका छन् । 

शनिबार लमजुङबाट नारायणगढ जाँदै गरेको ग १ ज ८२९४ नम्बरको विद्युतीय माइक्रो दुर्घटना भएको हो ।

त्यसको एक मिनेटमै सोही ठाउँमा दमौलीबाट मुग्लिन जाँदै गरेको बा४ख ४४७० नम्बरको बस शनिबार साँझ दुर्घटना भएको प्रहरीले जनाएको छ । 

प्रहरीका अनुसार दुवै सवारी चिप्लिएर दुर्घटना भएका हुन् । 

दुर्घटनामा १३ जना घाइते भएको प्रहरीले जनाएको छ ।