बंगलादेशमा हिन्दू र बौद्धमाथि हिंसा भएको भन्दै काठमाडौंमा प्रदर्शन

बंगलादेशमा हिन्दू र बौद्ध धर्मावलम्बीमाथि हिंसा भएको भन्दै काठमाडौंमा प्रदर्शन गरिएको छ । राष्ट्रिय एकता अभियानको नेतृत्वमा शनिवार काठमाडौंको माइतीघरमा प्रदर्शन भएको हो ।

प्रदर्शनकारीले विश्वभरका हिन्दू र बौद्ध धर्मावलम्बी एक भएर बंगलादेशमा भएको हिंसाको विरोध गर्नुपर्ने बताएका छन् ।

उनीहरूले ‘हिन्दूहरूमाथिको दमन बन्द गर’, ‘नेपाललाई हिन्दूराष्ट्र कायम गर’लगायत नारा लगाएका थिए ।

बंगलादेशमा भएको राजनीतिक परिवर्तनपछि त्यहाँका अल्पसंख्यक हिन्दू र बौद्धमाथि आक्रमण भएको खबर आइरहेको छ । कतिपय हिन्दू मन्दिर पनि भत्काइएको अन्तर्राष्ट्रिय सञ्चारमाध्यमले जनाएका छन् ।