आज पनि प्रि-ओपन सेसनमा दोहोरो अंकले बढ्यो नेप्से

नेपाल स्टक एक्सचेन्ज(नेप्से) आज पनि प्रि-ओपन सेसनमै दोहोरो अंकले बढेको छ । बुधबार प्रि-ओपन सेसनमा नेप्से परिसूचक १३.१५ अंकले बढेर २९३६.६२ बिन्दुमा कायम भएको हो । 

सेयर बजारको नियमित कारोबार खुल्नुभन्दा अघिको प्रारम्भिक शस्त्रमा ९५ हजार ३७९ कित्ता सेयरको खरिदबिक्री हुँदा ६ करोड ५९ लाख ९९ हजार रुपैयाँको कारोबार भएको छ । 

यसअघि मंगलबार पनि प्रि-ओपन सेसनमा नेप्से १६ अंकले बढेको थियो ।

तर, दिनभर कारोबार हुँदा भने नेप्से परिसूचक ८ अंकले घटेर बन्द भएको थियो ।