शुक्रवारदेखि राप्तीमा बेपत्ता दुई युवकको अवस्था अझै अज्ञात

राप्ती नदीमा बेपत्ता भएका दुई युवकको अवस्था अझै अज्ञात छ । शुक्रवारदेखि नदीमा बेपत्ता उनीहरू आइतवारसम्म नभेटिएको जिल्ला प्रहरी कार्यालयका प्रहरी निरीक्षक लक्ष्मण केसीले बताए ।

भरतपुर महानगरपालिका–२७ जमुनाघाटस्थित राप्तीखोलामा माछा मार्न गएका उनीहरू बेपत्ता भएका थिए । प्रहरी निरीक्षक केसीले भने, ‘नेपाली सेना, सशस्त्र प्रहरीको गोताखोर टोली, स्थानीय मिलेर नदीमा खोजी जारी राखिएको भए पनि अहिलेसम्म भेट्टाउन सकिएको छैन ।’

शुक्रवार २ बजे माछा मार्न निस्किएका भरतपुर महानगरपालिका–२५ का ४३ वर्षीय सञ्जीवकुमार चौधरी र वडा नं २७ का ४५ वर्षीय शुकबहादुर परियारको खोजी आइतवार पनि जारी रहेको उनले जानकारी दिए । –रासस