लगानी बोर्डका नवनियुक्त सीईओ ज्ञवालीद्वारा पदभार ग्रहण

 लगानी बोर्डका नवनियुक्त प्रमुख कार्यकारी अधिकृत (सीईओ) सुशील ज्ञवालीले पदभार ग्रहण गरेका छन् । 
शुक्रबार बोर्डको कार्यालयमा पुगेर उनले पदभार ग्रहण गरेका हुन् । सो क्रममा उनलाई बोर्डका पदाधिकारीहरुले स्वागत गरेका थिए । 

पदभार ग्रहण गर्दै ज्ञवालीले न्यानो स्वागतका लागि बोर्डका पदाधिकारीहरुलाई धन्यवाद दिँदै ठूला र रणनीतिक आयोजनालाई समयसीमाभित्र सफल बनाउन राजनीतिकदेखि संगठनात्मक तहसम्मको संयुक्त प्रयास आवश्यक रहेकोमा जोड दिए ।

मन्त्रीपरिषद्को बिहीबार बसेको बैठकले उनलाई सीईओ नियुक्त गर्ने निर्णय गरेको थियो ।