नेपाल प्रहरीले अपराध अनुसन्धानमा प्रयोग हुँदै आएका तालिमप्राप्त कुकुरहरूको पूजा गरेको छ । कुकुर तिहारको अवसरमा काठमाडौंको महाराजगंजस्थित केन्द्रीय प्रहरी कुकुर तालिम स्कुलमा विशेष समारोहबीच कुकुरहरूको पूजा गरिएको हो । 

नेपालमा २०३२ सालदेखि अपराधीको पहिचान गर्न कुकुर प्रयोग गर्न थालिएको प्रहरीले जनाएको छ ।  

अहिले सात वटै प्रदेशमा प्रहरीको तालिम प्राप्त कुकुर छन् । 

कुकुरलाई तालिम दिएर अनुसन्धान कार्यमा खटाउँदै आएको प्रहरीले कुकुर तिहारको दिन विभिन्न कलासमेत प्रस्तुत गर्दै आएको छ ।