फागुन १, २०८०
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
नेपालमा रेलसेवा विस्तारसम्बन्धी प्रसङ्ग पुनः चर्चामा आएको छ । खासगरी चिनियाँ सरकारी टोलीबाट भएको नेपाली रेलमार्ग विषयक स्थलगत सम्भाव्यता अध्ययन भ्रमणले यसलाई थप चर्चित बनाएको हो । चीनको राष्ट्रिय रेलवे प्रशासनसम्बन्धी उपमन्त्रीको नेतृत्वमा आएको उच्चस्तरीय टोली यससम्बन्धी अध्ययन सकी हालै फर्केको छ । जाँदाजाँदै टोलीका सदस्यहरूले जुन उत्साह व्यक्त गरेका छन्, निस्सन्देह त्यो प्रशंसनीय मात्र छैन निकै हदसम्म आशाजनक समेत देखिएको छ ।
नेपालमा रेल सेवा विस्तारको चर्चा चल्न थालेको तत्कालीन प्रधानमन्त्री केपी शर्मा ओलीको चीन भ्रमणदेखि नै हो । त्यति बेला उनले नेपाल र चीनबीच रेलमार्ग सहित यातायात र पारवहन लगायतका विषयमा सम्झौता गराएका थिए । उनको यो कदम त्यतिबेला राष्ट्रिय तथा अन्तराष्ट्रिय स्तरमा निकै चर्चित भएको मात्र थिएन कतिले असम्भव र महत्वाकांक्षी योजना भनेर आलोचनासमेत गरेका थिए भने कतिले केपी ओलीको हावादारी सपना भनेर उडाएका थिए ।
लिखित दस्तावेज हो अखवारको पानामा अहिले पनि सुरक्षित छ । त्यति बेला उनले काम गर्नकै लागि पनि सपना देख्नुपर्छ भनेर आफ्नो कदमको वचाव गर्ने गरेका थिए तर हाल तिनै उनका उडन्ते सपना ठानिएका सम्झौतामध्ये यातायात र पारवहन लगायतका कतिपय महत्वपूर्ण बुदाहरू कार्यान्वयनमा आइसकेका छन् भने रेलसेवा विस्तार सम्बन्धी अर्को महत्वाकांक्षी बुँदा पनि कार्यान्वयनको सङ्घारमा खडा हुनपुगेको छ ।
हाल सम्भाव्य स्थलगत अध्ययन भ्रमणमा आएका २३ सदस्यीय चिनिया टोलीले केरुङ्–काठमाडौं, काठमाडौं–लुम्बिनी र काठमाडौं–पोखरा गरी तीनवटा रुटमा अध्ययन केन्द्रित गरेको समाचार आएको छ । यसबाट केरुङबाट काठमाडौं तथा काठमाडौंबाट मुगलिङ आसपास हुँदै पोखरा र नारायणघाट अनि त्यहींबाट लुम्बिनीसम्म रेलमार्ग विस्तार गर्ने उनीहरूको मोटामोटी योजना रहेको बुझिन्छ । तर सो रुट जतिखर्चिलो छ त्यति नै जोखिमपूर्ण समेत देखिन्छ । त्यसैले पहिले यसबारे नै प्रष्टहुनु जरुरी देखिन्छ ।
यसै पनि मुगलिङ–नारायणघाट खण्डको भौगोलिक बनोट त्यति मजबूत छैन । यहाँको पहरो नै यति बढी कमजोर छ कि यदाकदा गाडीको कम्पनकै कारण पनि सुखापहिरो जाने गरेका उदाहरण छन् । त्यसमाथि निरन्तर तलबाट नदीको तेज धारले ठक्कर दिने गरेकाले सडक यातायातकै लागि समेत स्थायी विकल्प खोज्नुपर्ने अवस्था आइसकेको छ । त्यसैमाथि त्यसैको आसपासमा रेलवे लाइनको समेत विस्तार गर्ने हो भने त्यसपछिको अवस्था कस्तो होला सोझै अनुमान लगाउन सकिन्छ । फेरि सुरुङ मार्गकै कुरा गरौं भने पनि यो आफैमा बढीखर्चिलो त छदैछ साथसाथै जोखिम पनि बढी नै देखिने गरेको छ । यदाकदा सुरुङ मार्ग अवरुद्ध भई ठूलै परिमाणमा जनधनको क्षतिहुने गरेकोमा चीन सरकार आफै पनि भलिभाँती परिचित छ । त्यसैले यसका लागि काठमाडौं बाट बन्दीपुर तथा पोखरा र बागलुङतिर जाने पुरानो हुलाकीमार्गको रुट समाउनु बढीउचित देखिन्छ ।
यसका निम्ति सर्वप्रथम त्रिशूली वा वेत्रावतीमा मूल रेलवे जकसन बनाई केरुङसँग कनेक्सन गर्नुपर्ने देखिन्छ । पछि त्यहीबाट एउटा लाइन काठमाडौं लगायत पूर्वतर्फको पहाडी भूभागमा विस्तार गर्न सकिन्छ भने अर्को लाइन धादिङको चरङ्गें, खहरे तथा सल्यानटार, गोरखाको आरुघाट, लुईटेल एवं पालुङटार एवं जमजुङ र तनहूँको डुम्रे, दमौली, वेशी शहर आदि क्षेत्र हुँदै पोखरासम्म पु¥याउन सकिन्छ ।
दोेस्रो चरणमा त्यहीबाट सिद्धार्थ राजमार्गको आसपासबाट भैरवा लुम्बिनीसम्म र त्यहाँबाट महेन्द्र राजमार्गको आसपासबाट नारायणघाट लगायतका पूर्वतर्फ र कोहोलपुर दाङ, सुर्खेत तुलसीपुर लागायतका पश्चिमतर्फका क्षेत्रमा विस्तार गर्न सकिन्छ ।
यहाँ त्यति बढी पहाड फोर्न पनि पर्दैन र सुरुङ खन्नु पनि पर्र्दैन । हो, त्रिशूली, आँखु, बुढीगण्डकी, दरौदी, चेपे, तथा सेती, मादी, मोदी, मस्र्याङ्दी लगायतको केही नदीमा पुलभने बनाउनुपर्छ ।
यो रुट नेपालको विकासमा जति महत्वपूर्ण मानिन्छ चीनकै बजार प्रबर्धनमा पनि थप सहयोगी बन्नसक्छ । चीनले मनाङ्, मुस्ताङ आदि नाकाबाट पनि रेलमार्ग समाती आफ्ना उत्पादनलाई अन्तराष्ट्रिय बजारसम्म जोडन् सक्छ भने नेपालको रसुवा, नुवाकोट, धादिङ, गोरखा, लमजुङ, तनहुँ, कास्की, स्याङ्जा, पाल्पा, आदि दर्जनौं जिल्ला सितप्रत्यक्ष र थप दर्जनौं जिल्लासित अप्रत्यक्ष जोडिने भएकाले ती क्षेत्रका लागि त लाइफलाइन नै बन्न पुगिरहेको हुनेछ ।
नेपालमा रेलवे सेवाको सर्वप्रथम सपना देख्ने नेकपा एमाले नै होे । त्यसैले अव यस सम्बन्धी रुटको अगुवाई पनि उसैले नै गरोस् र त्यसको जस र श्रेय जे जे पाउने हो त्यो पनि उसैले नै पाओस् ।
यसबारे उसलाई त्यति धेरै गर्न वा टाउको दुखाइरहनु पर्ला जस्तो पनि लाग्दैन । जस्तो हामीलाई थाहा छ यति बेला मुलुकमा निर्वाचनको माहोल छ । यही नै उसका लागि उर्वर भूमिबन्न सक्छ । यसमा अलिकति मात्र ध्यानदिने हो भने पनि उसले यसलाई जनमत आफूतर्फ तान्ने महत्वपूर्ण माध्यम बनाउन सक्छ । अरु नसके पनि कम्तीमा त्यस क्षेत्रको निर्वाचन प्रचार अभियानमा यस विषयलाई मूलएजेन्डा बनाएर अघिबढ्ने प्रयास मात्रगर्ने हो भने पनि धेरै नै हुन सक्छ ।
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...