२६ जेठ २०८३, मंगलबार
पृतनापति समन्वयात्मक बैठक- २०८१ सम्पन्न भएको छ ।
जङ्गी अड्डामा सञ्चालित समन्वयात्मक बैठक शुक्रबार सम्पन्न भएको सेनाले जनाएको छ ।
बैठकको समापनमा सम्बोधन गर्दै प्रधानसेनापति अशोकराज सिग्देलले सकलदर्जाको सामूहिक भावना तथा एकढिक्कापनमा जोड दिए ।
सेनाको व्यावसायिकता अभिवृद्धि गर्दै देश र जनताको सेनाप्रतिको अपेक्षा पूरा गर्न सकलदर्जाले जिम्मेवार भई काम गर्नुपर्ने उनको भनाइ थियो ।
गौरवपूर्ण नेपाली इतिहासको अध्ययन, अध्यापन र जगेर्नामा टेवा पुग्ने कार्यक्रमहरू लागू गर्न समेत प्रधान सेनापतिले जोड दिए ।
बैठकमा वर्तमान सुरक्षा परिस्थितिको विश्लेषण, तालिमहरूको समीक्षा, बन्दोबस्ती पक्ष लगायत विविध विषयहरूमा छलफल गरिएको थियो ।
पृतनापति समन्वयात्मक बैठकको समापन कार्यक्रममा बलाधिकृत, बलाध्यक्ष, रथीबृन्द लगायत अधिकृतहरूको उपस्थिति थियो ।
