भारतको झारखण्डका पूर्वमुख्यमन्त्री तथा झारखण्ड मुक्ति मोर्चाका संस्थापक शिबु सोरेनको निधन भएको छ । दिल्लीको सर गंगा राम अस्पतालमा सोमबार बिहान सोरेनको निधन भएको उनका छोरा तथा झारखण्डका मुख्यमन्त्री हेमन्त सोरेनले जानकारी दिएको बीबीसी हिन्दीले जनाएको छ । मिर्गौला समस्याका कारण उनलाई अस्पतालमा भर्ना गरिएको थियो ।

'दिशोम गुरु' भनेर चिनिने शिबु झारखण्डको राजनीतिको एक बलियो स्तम्भ हुन् । उनले झारखण्ड मुक्ति मोर्चाको ब्यानरमा आदिवासीहरूको हक र अधिकारको लागि कडा संघर्ष गरेको समाचारमा उल्लेख छ ।

उनी तीनपटक राज्यका मुख्यमन्त्री बनेका थिए । उनी केन्द्रीय मन्त्री पनि भएका थिए । शिबुको जन्म ११ जनवरी १९४४ मा बिहारको हजारीबागमा भएको थियो । 

उनले १९७७ मा पहिलोपटक चुनाव लडेका उनी पराजित भएका थिए । यद्यपि, १९८० देखि, उनी लगातार धेरैपटक सांसद निर्वाचित भए ।

उनले बिहारबाट छुट्टै राज्य 'झारखण्ड' निर्माण गर्ने आन्दोलनमा पनि निर्णायक भूमिका खेलेका थिए । 

प्रधानमन्त्री नरेन्द्र मोदीले शिबु सोरेनको निधनमा शोक व्यक्त गरेका छन् । प्रधानमन्त्री मोदीले एक्समा लेखेका, 'शिबु सोरेन एक तल्लो तहका नेता थिए, जसले सार्वजनिक जीवनमा उचाइ छोए।'

सोरेनको निधनमा राज्यमा तीन दिने शोक घोषणा गरिएको छ ।