काठमाडौं– संवैधानिक परिषद्द्वारा सर्वोच्च अदालतको प्रधानन्यायाधीशमा सिफारिश कामु प्रधानन्यायाधीश दीपकराज जोशीको सम्बन्धमा निर्णय लिन संसदीय सुनुवाई विशेष समितिको बैठक आज बस्दैछ । 

दिउँसो साढे ३ बजे बस्ने भनिएको बैठक अपरान्ह सवा ४ बजेसम्म शुरु हुन सकेको छैन । 

बैठक शुरु हुन अघि नेकपाका सांसदहरुले पार्टी संसदीय दलको कार्यलयमा दलका उपनेता सुवास नेम्बाङलगातसँग छलफल गरेका थिए । त्यस्तै कांग्रेसका सांसदहरुले पनि छलफल गरेका छन् । कांग्रेस सभापति शेरबहादुर देउवाले नेपाल वार एशोसिएशनका अध्यक्ष शेरबहादुर केसीसँग छलफल गरेका छन् ।

बैठकअघि नेकपा र कांग्रेसका सांसदहरुले पार्टीभित्र परामर्श गरेका थिए । कांग्रेसका केही सांसद आइनपुगेका कारण बैठक शुरु हुन नसकेको सचिवालयका एक कर्मचारीले जानकारी दिए । 

जोशीलाई प्रधानन्यायाधीशका लागि सिफरिश गर्ने कि नगर्ने भन्नेमा समितिमा विबाद छ । नेकपा जोशीको नाम अनुमोदन नगर्ने पक्षमा छ भने कांगे्रस जोशीको नाम अनुमोदन गर्नुपर्ने अडानमा छ । सहमति जुटन नसक्दा समितिको बैठक लम्बिएको लम्बियै छ ।

संवैधानिक परिषद्बाट जेठ २९ गते सर्वोच्चको प्रधानन्यायाधीशमा सिफारिश जोशीको सम्बन्धमा संसदीय सुनुवाइ समितिले साउन १० गते सुनुवाई गरेको थियो ।