२६ जेठ २०८३, मंगलबार
काठमाडौं — प्रेमियर लीगमा शनिवार भएको खेलमा वुल्भ्स क्लबका विल्ली बोलीले हातले गोल गरेपछि उनको तुलना म्याराडोनासँग गरिएको छ ।
वुल्भ्सको गृहमैदान मोलिन्यूमा म्यानचेस्टर सिटीविरुद्धको खेलमा बोलीले हाते गोल गरेका थिए । म्याराडोनाले सन् १९८६ को विश्वकपमा इंग्ल्यान्डविरुद्ध हातले गरेको गोल कुख्यात बनेको थियो ।
वुल्भ्सका यी सेन्टरब्याक खेलाडील योआओ मउटिन्होबाट पाएको क्रसलाई दाहिने हातबाट गोल गराएका थिए ।
सिटीका कप्तान भिन्सेन्ट कम्पनीले विरोध गरेको भएपनि रेफ्रीले गोललाई मान्यता दिए । पेप ग्वार्डिओलाको प्रशिक्षणमा रहेको सिटीले यस सीजनमा पहिलोपटक विपक्षी टीमलाई अग्रता दिलायो ।
प्रशंसकहरूले भिडियो असिस्टेन्ट रेफ्री (भार) ल्याउनुपर्ने माग गरे । भार भएको भए यो गोललाई कदापि मान्यता दिइँदैनथियो ।
यसरी झेल्ली गोल गरेपनि वुल्भ्सको अग्रता धेरै बेर कायम रहेन र ६९औं मिनेटमा सिटीका सेन्टरब्याक एमेरिक लापोर्टले गोल गरेर बराबरी गरे ।
एजेन्सी
