इन्द्रकुमार श्रेष्ठ सरित्

कति लेख्नु कागजी बाघको कथा
खराबको कथा
असलको कथा
नदेखेको स्वगॅ धतीॅमै पाउने कथा
यी पनि यथाथॅ हैनन्
मात्रै हुन कि मन बहलाउने कथा

को ठीक, को बेठीक
समयले परिभाषा फेरिसक्यो
परिभाषालाई नै आफू अनुकूल बनाउने
एकभन्दा एक विभीषण जन्मिसक्यो
सत्य पनि हो कि अब मात्र एउटा कथा

मेरो मात्र राम्रो भन्ने कथा
तेरो जति जम्मै तन्नम भन्ने कथा
समयले अब अझै कति बोक्ला र
हुनै नसक्ने यो विभेदको कथा
आँखा छोपेर संसारै अँध्यारोभन्ने
कति सुन्नु अझै भ्रमको पुरानो कथा

खराब जहाँ पनि हुन्छ
असल पनि हामीमाझमै हुन्छ
एकादेशको कथाको के अथॅ अब
कहिल्यै नपुगिने र नदेखिने नगरीको के अथॅ
कथा त यही माटोको लेख्नुपनेॅ रहेछ
पात्र त यहीँकै मान्छे बन्नुपनेॅ रहेछ

आऊ, तिमी र म मिलेर
हाम्रै समाजको कथा लेखौं
तिम्रो कथा लेखौं
मेरो कथा लेखौं
हाम्रो कथा लेखौं
नदेखेको बाघको हैन
सधैं देखेको, सधैं भोगेको
आफ्नै मनको कथा लेखौं ।

बूढानीलकण्ठ नपा