२६ जेठ २०८३, मंगलबार
राजन पराजुली
साथी भाई जम्मा भएर
मादलुको तालमा मस्त सँग
रमाई रमाई देउसी भैली खेलिन्थ्यो
र पो तिहार आए झै लाग्थ्यो ।
दीयो भरी तेल राखी
बत्ती बालेर घर पूरै झिलिमिलि पारिन्थ्यो
सयपत्री फूल र मखमली फूलको
ठूलो माला उनेर
सप्त रंगी टीका सँगसँगै घाटीमा लगाईन्थ्यो
र पो तिहार आए झै लाग्थ्यो ।
टोल टोलमा आफ्नो पुराना गित
मुखले गाउँदै,नाँच्दै खुब धेरै
देउसी खेल्दै,छुट्टै रमाईलो गरिन्थ्यो
गुनियो चोलीमा दिदि बैनी
संजिएर देउसुरे देउसुरे गाउँदै नाँच्थे
र पो तिहार आए झै लाग्थ्यो ।
हातले बनाएका कयौँ रंगले
घर पूरै रंगी बिरङ्गी पारिन्थ्यो
हरेक घर घरमा रात भर मादल बजाएर
रमाईलोपनको लागि देउसी खेलिन्थ्यो
र पो तिहार आए झै लाग्थ्यो ।
दिदि बैनी दाजु भाई सबै जम्मा भएर
मिठो मसिनो जे छ उही
बाडि चुडि खाईन्थ्यो
सबै परिवार जम्मा भएर
खुसी याली साटिन्थ्यो
र पो तिहार आए झै लाग्थ्यो ।
धन दौलतको कसैलाई मतलब हुदैन्थ्यो
सबै सँग फुर्सत नै फुर्सत हुन्थ्यो
टोलभरीका दाजुभाई दिदि बैनी
जम्मा भएर कसैको डर त्रास बिना
तिहारे गित गाईन्थ्यो
र पो तिहार आए झै लाग्थ्यो ।
सुपाभरी आफैले बनाएका
कयौ खानेकुरा हुन्थ्ये
रिष,ईस्या,घमंड कसैसँग हुदैन्थ्यो
छिन छिनमा पालैपालो
देउसी भैली खेल्ने टोली आउथ्ये
र पो तिहार आए झै लाग्थ्यो ।।
निधारमा सप्तरंगी टीका लगाएर
उपहार स्वरूप ढाका टोपी दिईन्थ्यो
एक घरको खुसी आर्को घरले साट्यो
प्रत्येक टोलमा मादल घन्किन्थ्यो
र पो तिहार आए झै लाग्थ्यो ।।।
चितवन
