काठमाडौं– कर्तव्य जान मुद्दाको अभियोग लागेका रौतहटको कटहरिया नगपालिकाका मेयर सियाराम कुशवाहाले सफाइ पाएका छन् । 

हिन्दु युवा संघका तत्कालीन अध्यक्ष काशी तिवारीको हत्या अभियोगमा जनकपुर उच्च अदालतको अस्थायी इजलास वीरगन्जको फैसला उल्टाउँदै सर्वोच्चले कुशवाहालाई सफाइ दिएको हो । 

सर्वोच्चका न्यायाधीशद्वय सारदा प्रसाद घिमिरे र डम्बरबहादुर शाहीको संयुक्त इजलाशले कुशवाहालाई सफाइको फैसला सुनाएको हो । 

जनकपुर उच्च अदालतको वीरगन्ज अस्थायी इजलाशका न्यायाधीशद्वय लेखनाथ घिमिरे र नारायणप्रसाद श्रेष्ठको संयुक्त इजलासले गत फागुन २८ मा कुशवाहाविरुद्ध जन्मकैदको सजाय सुनाएको थियो ।