पुस १९, २०८०
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
केही दिनयता मनमा दुईवटा प्रश्न उठिरहेका छन् । यीमध्ये एउटा हो सांसद, मन्त्री लगायतका जनप्रतिनिधिहरू ठूला हुन् कि जनता ठूला हुन् भन्ने । दोस्रो हो, जनता भएकैले सांसद, मन्त्री भएका हुन् कि सांसद, मन्त्री भएकाले जनता भएका हुन् भन्ने । तर उत्तर भने मरिकाटे पाउन सकिरहेको छैन । सांसद, मन्त्री लगायतका जनप्रतिनिधि ठूला हुन् भनौं भने उनीहरूलाई बनाउने जनता हुन् । जनता ठूला हुन् भनौं भने उनीहरूका अगाडि जनताले कुनै भाउ नै पाउन सकिरहेका छैनन् ।
जनता भएकाले सांसद, मन्त्री भएका हुन् कि सांसद, मन्त्री भएकाले जनता भएका हुन् भन्ने प्रश्नको अवस्था पनि त्यस्तै छ । चुनावअघि उनीहरू जनताका घरदैलोमा जान्छन् । तपाईंहरूका सेवक हौं, हामी सेवा गर्न आएका हौं भन्छन्, नमस्कार गर्छन् । त्यस्तै परे मेलापात पनि गर्छन् । घाँस, दाउरा गरिदिन परे पनि पछि पर्दैनन् तर चुनाव जित्नासाथ स्थिति ठीक उल्टो हुन्छ । उनीहरू एकाएक उपल्लो दर्जाका नागरिक बन्न पुग्छन् । जनतामाथि शासन गर्न थाल्छन् । बिचरा जनता भने जहिले पनि दोस्रो दर्जाका नागरिक बन्न विवश हुन्छन् ।
उनीहरू नियम कानून बनाउने तहमा हुन्छन् । आफू अनुकूल नियम कानून बनाउँछन् । आफ्ना सुविधा तथा तलब, भत्ता आफैं तोक्छन् । आफैं बुझ्छन्, खल्तीमा हाल्छन् । अन्य काम वा निर्णय प्रक्रियामा झगडा गर्छन् । असहमति जनाउँछन् । त्यस्तै परे टेबुल ठोकाठोक र कुर्सी हानाहान पनि गर्छन् तर तलब, भत्ताको मामिलामा भने सर्वसम्मत हुन्छन् ।
बजेट जस्तो महत्त्वपूर्ण विषयमा समेत विमतिको स्वर गुन्जिन्छन् अनि बहुमतले पास गर्नुपर्ने अवस्था आउँछ तर तलब भत्ता वा सुविधा बढाउने मामिलामा भने सबै एकै स्थानमा उभिन्छन् । हात मिलाउँछन् । अङ्कमाल गर्छन् । हालसम्म मुलुकमा ठूला ठूला राजनीतिक परिवर्तन भइसकेका छन् । गण्डकी, कोशी, कर्णालीमा निकै पानी बगिसकेको छ तर खाने मामिला भने अहिले पनि जस्ताको तस्तै छ । हिजो पनि त्यस्तै थियो । आज पनि त्यस्तै छ । सम्भवतः भोलि पनि यस्तै हुनेछ । पात्र फेरिएका छन् । प्रवृत्ति फेरिएको छैन ।
नियम कानून लागू गर्ने तरिका पनि उनीहरूका लागि छुट्टै हुन्छ । सर्वसाधारण जनताका तरिका छुट्टै हुन्छ । रूपमा त कानून एउटै देखिन्छ तर सारमा भने नितान्त भिन्न हुन्छ । जनप्रतिनिधिको लेबल लागेपछि वा जनताको नाम लिएपछि जे गरे पनि हुन्छ, जेमा पनि छुट पाइन्छ । एउटै कर्मचारी नराखी डाइभर, पियन तथा स्वकीय सचिको भनेर तलब आफैंले बुझे पनि हुन्छ । राजधानीमै घर भए पनि घरभाडाको रकम लिन पनि पाइन्छ । इन्धनबापतको खर्च दोहोरो तेहोरो लिए पनि फरक पर्दैन । ज्यान मुद्दा नै लागेको भए पनि ऐन कानूनले छुँदैन । सकभर त उनीहरू पक्राउ नै पर्दैनन् । कदाचित् परे पनि चाँडै नै उन्मुक्ति पाउँछन् ।
उज्जनकुमारका हत्याराले उन्मुक्ति पनि पाएकै हुन् । गुण्डा नाइकेहरूले सफाइ पनि पाएकै छन् । निर्दोष राष्ट्रसेवकलाई जिउँदै जलाए पनि हुन्छ ? भालाले रोपेर मारे पनि हुन्छ ? जनताको नाम लिएपछि शपथ र सम्मानमा बाह्रहातको टाँगाले पनि छुँदैन । सर्वसाधारण जनताले जीविकाका लागि बाहिरबाट एकाध किलो दाल र चिनीसम्म ल्याउने छुट पाउँदैनन् । सिमानामा सुरक्षाकर्मी पड्किन्छन् । भन्सारका हाकिम गर्जिन्छन् तर जनप्रतिनिधिहरूले भने प्राडो, पजेरो नै भित्र्याए पनि भन्सार लाग्दैन ।
उनीहरूका लागि खाने स्थान पनि छुट्टै हुन्छ, चुठ्ने स्थान पनि छुट्टै हुन्छ । हिँड्ने बाटो पनि छुट्टै हुन्छ, नभए सुरक्षा घेराबाटै भए पनि छुट्टै बनाइन्छ । सङ्घीय संसद् सचिवालयले समेत सांसदहरूलाई भनेर चिया खाने स्थान अलगै बनाइदिएछ । पहिले जनता र सांसदहरूले एकै स्थानमा बसेर चिया खान्थे रे । यसो गर्दा सांसदहरूको मानमर्दन भयो रे वा उनीहरूको सम्मान घट्यो रे । त्यसैले चिया खाने स्थान अलग्गै बनाइदिएका रे ।
ठीकै हो, ठूला मानिस भएपछि सबै सोही अनुसार हुनपर्ने नै भयो । नत्र ठूलो मानिस भएकै के सार भयो र ! सर्वसाधारणको पैदल बाटो नै अवरुद्ध हुने गरी उनीहरूका अघि र पछि गाडीको लावालश्कर लगाउनै किन पर्थ्यो र ! कसैले सभामुख, उपसभामुख, अध्यक्ष, उपाध्यक्ष हुने अवसर पाएका छन् भने उनीहरूको त झन कुरै बेग्लै । उनीहरूले अघिपछि जति नै बढी गाडीको लश्कर लगाएर हिँडे पनि हुन्छ । लाज मान्नु पनि पर्दैन । कसैले केही भन्ने हिम्मत पनि गर्दैनन् ।
सुशासनको कुरा सबै गर्छन् । भ्रष्टाचार उन्मूलनको कुरा पनि गर्छन् । भ्रष्टाचारमा शून्य सहनशीलताको कुरो पनि धेरै नै सुनिन्छ तर जो जसले चर्का कुरा गरेका हुन्छन् उनीहरू नै सबैभन्दा बढी भ्रष्टाचारको आरोप खेप्न पुगिरहेका हुन्छन् ।
पर्यटनमन्त्री रवीन्द्र अधिकारी जानेमाने नेता हुन् । जनताले बढी पत्याउने नेतामा उनी पनि पर्छन् तर उनी समेत बाइडबडी खरीद प्रकरणमा झण्डै साढे चार अर्ब रुपैयाँ बराबरको रकम हिनामिना गरेको आरोप खेपिरहेका छन् । संसदीय उपसमितिले ठहर गरेको कुरो हो, पत्याउनै पर्यो ।
हुन सक्छ उनी आफैंले हिनामिना गरेका छैनन् होला । झुक्किएका पनि हुन सक्छन् । झुक्कानमा पारिएका पनि हुन सक्छन् तर मूल्यांकन र भुक्तानी प्रकरणमा उनी चुकेकै हुन् । नत्र उनीमाथि कारवाहीको सिफारिश किन पो हुन्थ्यो होला र ? उनले यसको नैतिक जिम्मेवारी लेलान्, नलेलान् । पदबाट राजीनामा दिएर आफ्नो राजनीतिक भविष्य सुरक्षित गर्ने प्रयास गर्लान्, नगर्लान् त्यो उनको कुरा हो तर यस प्रकरणले मन्त्री हुनका लागि सैद्धान्तिक ज्ञान भएर मात्र पुग्दैन । विषयवस्तु सम्बन्धी व्यावहारिक ज्ञान पनि आवश्यक पर्छ भन्ने कुरो भने प्रस्ट पारेको छ ।
भनिन्छ, राजनीति नीतिहरूको राजा हो । नीतिहरूको राजा भएकैले उसलाई राजनीति भनिएको हो तर आज राजनीति जति फोहरी नीति अर्को हुन सकिरहेको. छैन । राजनीति आफैंमा फोहरी होइन । उसलाई राजनीति गर्नेहरूको रुग्ण मानसिकताले फोहरी बनाएको हो । जतिबेलासम्म राजनीति गर्ने मानिसको मानसिक स्थिति स्वस्थ हुँदैन त्यतिबेलासम्म राजनीति पनि शुद्ध हुँदैन । अनि जतिबेलासम्म राजनीति शुद्ध हुँदैन त्यतिबेलासम्म सुशासन र भ्रष्टाचार उन्मूलन हुन पनि सक्दैन । सुशासन र भ्रष्टाचार उन्मूलनको कुरा गर्नलाई मात्र हो भने त केही छैन, जे गरे पनि भयो । होइन भने जगैदेखि शुद्धीकरणको अभ्यास गर्नैपर्छ ।
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...