काठमाडौं — अपराधीबाट सामान्यतया सबैजना टाढिन चाहन्छन् । उनीहरूलाई आफ्नो घरमा आउन दिनै चाहँदैनन् ।

तर यस्तो देश पनि छ जहाँ अपराधीहरूको पूजा गरिन्छ । त्यो देश हो दक्षिण अमेरिकी देश भेनेजुएला । 

कच्चा तेलको ठूलो निर्यातक मुलुकमध्येको एक भेनेजुएलाको प्रसिद्धि संसारमा अमेरिकाको दुश्मनका रूपमा रहेको छ । त्यसैले गर्दा देशले निकै उतारचढाव देखेको छ । 

ह्युगो चाभेजको नेतृत्वमा त्यहाँ साम्यवादी शासन स्थापित भएको थियो । चाभेजको मृत्युपछि उनका उत्तराधिकारी निकोलस मदुरोको शासनमा अराजकता फैलिएको छ । त्यहाँ अपराधको बोलबाला छ । 

यस्तो अवस्थामा मानिसहरूले अपराधीलाई देवताका रूपमा पुजिनु अचम्म लाग्छ । यहाँ पुराना र मरिसकेका अपराधीको मूर्ति बनाएर पूजा गरिन्छ । उनीहरूलाई प्रसाद चढाइन्छ । 

स्पेनी भाषामा अपराधी देवताहरूलाई स्यान्टोस मेलोन्ड्रोस भनिन्छ । पुरानो जमानाका यी बदनाम अपराधीको ससानो मूर्ति बनाएर एक ठाउँमा राखिएको छ । तिनलाई हेर्न टाढाटाढाबाट मानिस आउँछन् । 

यस्तो एक मेलोन्ड्रोको नाम लुई सान्चेज हो । सान्चेज आफ्नो जमानामा शक्तिशाली अपराधी थिए । अहिले उनको मूर्तिको पूजा हुन्छ । 

आखिर भेनेजुएलाका मानिस अपराधीहरूलाई देवता मानेर किन पुज्छन् ?

खासमा अपराधीहरूको छवि जनतामा रबिनहूडको छ । उनीहरू धनीबाट लुटेर गरीबलाई सम्पत्ति बाँड्थे । 

स्थानीयहरूका अनुसार, मेलेन्ड्रो केही राम्रो काम गरेपछि पुरस्कारको आशा गर्छन् । उनीहरूलाई भेट चढाइएन भने रिसाउँछन् पनि । 

अपराधी देवताहरूलाई रक्सी चढाइन्छ । 

कुनै मानिस कुनै समस्याबाट चिन्नित छ भने भेट चढाउँछ । अनि काम बन्ने आशा गर्छ । 

तर वास्तविकता के हो भने मूर्तिले कुनै सहायता गर्दैन । तर मानिसहरू यसरी भेट चढाउँदा मेलोन्ड्रोहरू एकदमै खुशी हुने र वरदान दिने र आफ्नो काम बन्ने मान्यता राख्छन् । 

अपराधीहरूलाई धेरै रक्सी चढाउन नहुने सल्लाह दिइन्छ । धेर रक्सी पाएपछि उनीहरू काम गर्न छोडेर रमाइलो मात्र गर्नै मान्यता छ । उनीहरूलाई चाख्नका लागि बीयर दिनुपर्ने अनि मानिसको काम बन्ने विश्वास छ । 

खासमा अपराधी देवताको यो पूजा विश्वासको कुरा हो । मानिसहरूलाई तिनको कथामा विश्वास छ । त्यसैले उनीहरू भेट चढाउँछन् । सेन्टोस मेलेन्ड्रोजले उनीहरूको सहायता गर्ने मानिसलाई आशा छ । 

भेनेजुएलाको राजधानी काराकासमा यसबेला अराजकता छाएका कारण अपराधी देवताको माग बढेको छ । हरेक व्यक्तिलाई सुरक्षा चाहिन्छ त्यसैले उनीहरू मूर्तिसमक्ष पुग्छन् । 

बीबीसीबाट