काठमाडौं - यूएईविरुद्धको तेस्रो र निर्णायक एक दिवसीय खेलमा कप्तान पारस खड्काले अर्धशतक प्रहार गरेका छन् ।

दुबईमा घरेलु टोलीले दिएको २५५ रनको विजयी लक्ष्य पछ्याउने क्रममा पारसले ५० रनभन्दा बढीको योगदान गरेका हुन् ।

५० बलको सामना गरी ५० रन जोड्ने क्रममा पारसले ९ चौका प्रहार गरे ।

यो समाचार तयार पार्दासम्म नेपालले २३ ओभरको क्षतिमा ३ विकेट गुमाएर ११५ रन जोडेको छ ।

ज्ञानेन्द्र मल्ल ३१, विनोद भण्डारी ९ र दीपेन्द्रसिंह ऐरी ६ रन जोडेर आउट भएका छन् ।

तीन खेलको श्रृंखलाअन्तर्गत पहिलो खेल ३ विकेटले हारेको नेपाल दोस्रो खेलमा १४५ रनले विजयी भएको थियो ।