×

NMB BANK
NIC ASIA

निगरानी सरकारी सम्पत्तिमाथि : भाग- २

महिला मन्त्रीलाई काठमाडौंभित्र र बाहिरलाई छुट्टाछुट्टै गाडी, उपसचिवलाई मन्त्रीसरह इन्धन !

एउटा मोटरसाइकल चोरियो, बाँकी ३ वटा लिलामीको प्रक्रियामा

चैत ५, २०७५

NTC
Sarbottam
Premier Steels
Marvel

काठमाडौं –महिला, बालबालिका तथा जेष्ठ नागरिक मन्त्री थममाया थापा मगरले आफ्नो प्रयोजनका लागि ३ वटा गाडी प्रयोग गर्दै आएको पाइएको छ । त्यसमध्ये एउटा गाडी उनको सचिवालयले प्रयोग गर्छ, बाँकी दुई गाडी उनी आफैं चढ्छिन् ।

Sagarmatha Cement
Muktinath Bank

लोकान्तर डटकमलाई मन्त्रालयले उपलब्ध गराएको विवरण अनुसार मन्त्री थापाले बा २ झ ७६७ नम्बरको निसान जीप चढ्दै आएकी छन् । उनकै प्रयोजनका लागि भनेर गृह मन्त्रालयबाट हस्तान्तरण भइआएको बा २ झ १०७४ नम्बरको ह्युण्डाइ सोनाटा कार पनि छुट्याइएको छ ।


Advertisment
RMC TANSEN
IME BANK INNEWS
shivam ISLAND

मन्त्रीको दुई गाडीबारे जिज्ञासा राख्दा मन्त्रालयकी सूचना अधिकारी सुनिता नेपालले यसबारे आफूहरूलाई थाहा नहुने बताइन् । ‘मन्त्रीज्यूको गाडीमा झण्डा हुन्छ, अरूले चढ्न मिल्दैन, यसबारे हामीलाई थाहा हुँदैन,’ नेपालले लोकान्तरसँग भनिन् ।


Advertisment
Nabil box
Kumari

मन्त्री थापाका स्वकीय सचिव गमबहादुर पुनले मन्त्रीले एउटा गाडी राजधानी बाहिर जान र अर्को गाडी राजधानीमा रहँदा चढ्ने गरेको बताए । ‘मन्त्रीज्यूले एउटा गाडी राजधानी बाहिर जान प्रयोग गर्नुहुन्छ, अर्को गाडी उपत्यकाभित्र प्रयोग हुन्छ,’ उनले लोकान्तरसँग भने ।

Vianet communication
Laxmi Bank

मन्त्रीको सचिवालयका लागि भनेर अर्को गाडी छ । बा २ झ २६१५ नम्बरको स्कोर्पियो मन्त्रीको सचिवालयका लागि मन्त्रालयले उपलब्ध गराएको छ ।

निसान जीप र सचिवालयको स्कोर्पियोका लागि मासिक १२० लिटरका दरले इन्धन उपलब्ध हुने गरेको छ भने ह्युण्डाइ सोनाटाका लागि १०० लिटर इन्धन मासिक खर्च हुने गरेको देखिन्छ । यसरी हेर्दा मन्त्रीकै प्रयोजनका लागि प्रयोग हुने ३ गाडीले मासिक ३४० लिटर इन्धन खर्च गर्दैआएका छन् ।

उपसचिवलाई पनि मन्त्रीसरह इन्धन ?

उक्त मन्त्रालय सचिवविहीन छ । सह–सचिव वीरबहादुर राईले कायममुकायम सचिवको जिम्मेवारी सम्हाल्दै आएका छन् । सचिवले प्रयोग गर्ने बा २ झ ९५९ नम्बरको स्कोर्पियो जीप प्रयोग भएको देखिँदैन भने कामु सचिव वीरबहादुर राईले बा १ झ ९८०७ नम्बरको फोर्ड फिगो कार चढ्दै आएका छन् ।

सह–सचिव रुद्रादेवी शर्माले बा २ झ ३०४९ नम्बरको ग्राण्ड आई टेन, उपसचिव पशुपति शर्माले बा १ झ ८६२२ नम्बरको टाटा सफारी जीप, उपसचिव पृथबहादुर केसीले बा २ झ ७५४ नम्बरको निसान जीप, लेखातर्फकी उपसचिव मिठू थापाले बा २ झ २०२२ नम्बरको ह्युण्डाइ कार चढ्दै आएका छन् । सचिवालय सहित मन्त्रीको प्रयोजनमा रहेका दुईवटा गाडी र माथि उल्लेखित सह–सचिव तथा उपसचिवले प्रति सवारी साधन १२० लिटर इन्धन मासिक लिँदै आएका छन् ।

उपसचिवले समेत मन्त्रीसरह इन्धन लिँदै आएकोबारे जिज्ञासा राख्दा सूचना अधिकारी नेपालले घर टाढा हुनेले बढी तेल लिने गरेको बताइन् । ‘एक जना त कलंकीभन्दा अलि परसम्म पुग्नुहुन्छ,’ उनले लोकान्तरसँग भनिन् ।

लेखातर्फकी उपसचिव मीठू थापा उपसचिवहरूलाई १०० लिटरसम्म तेल दिने गरिएको र बढी गएको इन्धन आगामी महिनामा दिने इन्धनबाट मिलान गरिने बताउँछिन् ।

थापा र नेपाल दुवैले उपसचिवहरूले चढ्ने गाडी पूलमा रहने र एकभन्दा बढीले चढ्ने हुँदा तेल पनि बढी खर्च हुने दाबी गरे । तर मन्त्रालयले उपलब्ध गराएको विवरणमा उपसचिवहरू पृथबहादुर केसी, पशुपति शर्मा र मिठू थापाले प्रयोग गर्ने गाडी अरूले प्रयोग गर्ने गरेको देखिँदैन ।

उपसचिवहरू सुनिता नेपाल र निर्मला न्यौपानेले बा ०४८८ नम्बरको निसान जीप (२० वर्षभन्दा पुरानो) तथा उपसचिवहरू कृष्ण भुसाल तथा अञ्जु ढुंगानाले बा १ झ ९८०७ नम्बरको निसान कार संयुक्त रूपमा चढ्दै आएको देखिन्छ । उनीहरूले प्रति गाडी सय/सय लिटर इन्धन प्रयोग गर्दै आएका छन् ।

यस्तै मन्त्रालयका प्रवक्ता समेत रहेका सहसचिव राजेन्द्र पौडेलले बा १ झ ९८११ नम्बरको कार चढ्ने गरेका छन् । उनले पनि मासिक एक सय लिटर इन्धन लिन्छन् ।

हेर्नुहोस्, महिला मन्त्रालयमा चारपांग्रे सवारी प्रयोग गर्नेहरू विवरण

उपसचिवदेखि कार्यालय सहायकसम्मले चढ्छन् मोटरसाइकल

यस मन्त्रालयमा २७ वटा मोटरसाइकल कर्मचारीहरूले चढ्दै आएका छन् । यसरी मोटरसाइकल चढ्नेमा कानूनतर्फकी उपसचिव सरिता रायमाझीदेखि कार्यालय सहायकहरूसम्म छन् । मन्त्रालयले उपलब्ध गराएको विवरणमा सबै कर्मचारीको पद उल्लेख नभएपनि मन्त्रालयको वेबसाइटमा हेर्दा उक्त कुरा पुष्टि हुन्छ ।

हेर्नुहोस्, मोटरसाइकल चढ्नेहरूको विवरण :

एउटा मोटरसाइकल चोरियो, ३ वटा लिलामीको पर्खाइमा

उक्त मन्त्रालयलाई एक्सन इन्टरनेसनलले दिएको बा १ ब ९९१३ नम्बरको सुपर स्प्लेण्डर मोटरसाइकल चोरी भएको देखिन्छ । यस्तै ३ वटा मोटरसाइकल बिग्रिएर थन्किएका छन् । ती मोटरसाइकल लिलामीको प्रक्रियामा रहेको मन्त्रालयले जनाएको छ ।

पढ्नुहोस्, भाग– १ :  खेलकुद मन्त्रालयका सचिवलाई दुई विलासी गाडी, कार्यालय सहयोगीसम्मलाई सवारी सुविधा [विवरणसहित]

(हामीले सूचनाकाे हक प्रयोग गरेर लिएको विवरणअनुसार मन्त्री तथा कर्मचारीहरूले प्रयोग गर्ने सवारी साधन, लिने इन्धनलगायतमा एकरूपता नरहेको पाइएको छ, यसबारेका समाचार आगामी अंकहरूमा प्रकाशित गर्दै जानेछौं - सम्पादक )

hAMROPATRO BELOW NEWS
TATA Below
मंसिर ५, २०८०

संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...

चैत ७, २०८०

पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...

मंसिर २०, २०८०

नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...

पुस १९, २०८०

यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा  कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...

माघ २४, २०८०

काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...

मंसिर १५, २०८०

धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x