बैशाख ४, २०७९
नेपालमा कुनै पनि हिमाल आरोहण नगरेका तथा आरोहणमा असफल भएकालाई समेत सफल आरोहणको आधिकारिक प्रमाणपत्र दिने 'गोरखधन्दा' मौलाएको छ । संस्कृति, पर्यटन तथा नागरिक उड्डयन मन्त्रालय, पर्यटन विभाग, ट्रेकिङ ए...
काठमाडाैं | चैत १०, २०७५
काठमाडौं – भौतिक पूर्वाधार तथा यातायात मन्त्रालयका सचिव मधुसुदन अधिकारी सडक विभागको बा २ झ १७०४ नम्बरको गाडी चढ्छन् । २०७२ सालमा खरिद गरिएको उक्त गाडीको मूल्य १ करोड ७ लाख १९ हजार ६३३ रुपैयाँ छ ।
यसका अलावा सचिव अधिकारीले अर्को गाडी पनि चढ्ने गरेका छन् । बा ९ च ५७९५ नम्बरको उक्त गाडी काठमाडौं–तराई द्रुत मार्गको हो । मन्त्रालयले लोकान्तरलाई उपलब्ध गराएको विवरणमा सो गाडी रातो नम्बर प्लेटमा रहेको उल्लेख छ ।
सचिवको दोस्रो गाडीबारे बुझ्न उनको सचिवालयमा सम्पर्क गर्दा अनविज्ञता भयो । ‘सचिवज्यूले १७०४ नम्बरको गाडी चढ्नुहुन्छ, अर्को गाडीबारे थाहा छैन,’ सचिव अधिकारीको सचिवालयमा रहेका शाखा अधिकृत विनोद गौतमले भने ।
यद्यपि मन्त्रालयले उपलब्ध गराएको विवरणमा उक्त गाडी सचिवले नै रातो नम्बर प्लेट राखेर चढ्ने गरेको देखिन्छ ।
सचिवको सचिवालयलाई गाडी र मोटरसाइकल
सचिवको सचिवालयमा रहेका शाखा अधिकृत विनोद गौतमले बा १ ञ १४४३ नम्बरको गाडी चढ्छन् । यस्तै सचिवालयकै लागि भनेर बा १ व ९०१० नम्बरको मोटरसाइकल पनि प्रयोग भइरहेको देखिन्छ ।मन्त्रालयको वेबसाइटमा उल्लेख भएअनुसार सचिवको निजी सचिवालयमा शाखा अधिकृत गौतम र कम्प्युटर अपरेटर अम्बुजकुमार झा छन् ।
अधिकांश गाडी सडक विभागका
मन्त्रालयमा प्रयोग हुँदै आएका अधिकांश गाडी सडक विभागले उपलब्ध गराएको देखिन्छ । मन्त्रालयमा कुल प्रयोग भइरहेका १९ वडा गाडीमध्ये १२ वटा गाडी सडक विभागले उपलब्ध गराएका हुन् ।
मन्त्रीका लागि एउटा गाडी गृहमन्त्रालयले उपलब्ध गराएको देखिन्छ भने फास्ट ट्र्याकको एउटा र भारतीय सहयोगमा प्राप्त दुई गाडी मन्त्रालयमा छन् ।
हेर्नुहोस्, मन्त्रालयमा रहेका गाडी र प्रयोगकर्ताहरूको विवरण :
मन्त्रीलाई २०७ र सचिवलाई १०० लिटर इन्धन
मन्त्री रघुवीर महासेठले बा १ झ ४०२९ र बा २ झ १०८९ नम्बरको गाडी चढ्छन् । मन्त्रालयले हामीलाई उपलब्ध गराएको विवरणमा ती गाडीका लागि मन्त्रीले कति इन्धन लिन्छन् भन्ने उल्लेख छैन ।
यसबारे मन्त्रालयमा बुझ्दा मन्त्री महासेठले मासिक २०७ लिटर इन्धन बुझ्ने गरेको बताइयो । यस्तै सचिवले १०० लिटर र अन्य चार पांग्रे सवारी प्रयोगकर्ताले ७० देखि ६५ लिटरसम्म इन्धन मासिक लिने गरेका छन् । दुई पांग्रे सवारी प्रयोगकर्ताले भने मासिक १० लिटर इन्धन लिने गरेका छन् ।
प्रयोग नै नभएका गाडीलाई पनि इन्धन !
बा १ झ ८९६८ र बा १ झ ६७१३ नम्बरको गाडी चालु अवस्थामा नै रहेको देखिन्छ, तर प्रयोग गर्ने व्यक्तिको नाम खुलाइएको छैन । अचम्म त के भने ती गाडीका लागि भनेर मासिक ६५/६५ लिटर इन्धन प्रयोग भइरहेको छ ।
‘प्रयोग नभएको गाडीमा पनि इन्धन खर्च कसरी ?’ यही प्रश्न आन्तरिक व्यवस्थापन शाखाका उपसचिव युवराज अधिकारीलाई सोध्दा उनले यी गाडी पूल (जगेडा)मा रहेको बताए ।
‘ती गाडीका प्रयोगकर्ताहरूको सरुवा भएकाले अहिले गाडी पूलमा छ । मन्त्रालयमा विभिन्न काम पर्दा प्रयोग हुने भएकाले त्यसमा इन्धन खर्च भएको हो,’ अधिकारीले लोकान्तरसँग भने ।
पद नखुलेका प्रयोगकर्ता को हुन् ?
मन्त्रालयले उपलब्ध गराएको विवरणमा ३० जनाले दुई पांग्रे सवारी प्रयोग गर्दै आएको देखिन्छ । त्यसमा नाम उल्लेख रहेका १० प्रयोगकर्ताको भने पदीय जिम्मेवारी खुलाइएको छैन ।
को हुन् त ती १० प्रयोगकर्ता ? उपसचिव अधिकारीले तीमध्ये अधिकांश कार्यलय सहायक रहेको बताए । ‘सञ्जित मण्डल नाम गरेका एकजना चाहिँ मन्त्रीज्यूको सचिवालयमा हुनुहुन्छ, बाँकी अधिकांश कार्यालय सहायक हुन्,’ उनले लोकान्तरसँग भने ।
यस्तै सूचना अधिकारी लेखनाथ ज्ञवालीले पनि पद उल्लेख नभएका व्यक्तिहरू कार्यालय सहायक र सवारी चालकहरू रहेको बताए ।
हेर्नुहोस्, दुई पांग्रे सवारी प्रयोगकर्ताको विवरण :
पढ्नुहोस्, यस श्रृंखलाअन्तर्गत अघिल्ला ३ भाग :
भाग- ३ : शहरी विकासमा मन्त्रीका आसेपासेको रजगज, सचिवलाई दिउँसो र बेलुका बेग्लाबेग्लै गाडी !
भाग- २ : महिला मन्त्रीलाई काठमाडौंभित्र र बाहिरलाई छुट्टाछुट्टै गाडी, उपसचिवलाई मन्त्रीसरह इन्धन !
भाग- १ : खेलकुद मन्त्रालयका सचिवलाई दुई विलासी गाडी, कार्यालय सहयोगीसम्मलाई सवारी सुविधा [विवरणसहित]
नेपालमा कुनै पनि हिमाल आरोहण नगरेका तथा आरोहणमा असफल भएकालाई समेत सफल आरोहणको आधिकारिक प्रमाणपत्र दिने 'गोरखधन्दा' मौलाएको छ । संस्कृति, पर्यटन तथा नागरिक उड्डयन मन्त्रालय, पर्यटन विभाग, ट्रेकिङ ए...
राष्ट्रिय प्राणी उद्यान, सूर्यविनायक भक्तपुरको कार्यालय भवन, पानीट्यांकी सहितका भौतिक पूर्वाधार निर्माणदेखि बैठक भत्तासहितका अन्य खर्चमा व्यापक अनियमितता भएको निष्कर्षसहित राष्ट्रिय सतर्कता केन्द्रले कारवाहीका लागि निर्...
मिलेमतो र सेटिङको आशंकामा यसै साता ८ अर्ब ३० करोड रुपैयाँका ३ वटा ठेक्का रद्द गरिएको छ । सीमित ठेकेदारले मात्र ठेक्का पाउने गरी स्पेसिफिकेसन बनाएर आह्वान गरिएका ती ३ वटा ठेक्कामा अनियमितता भएको भन्दै सम्ब...
वन तथा भू-संरक्षण विभागमा सरकारी गाडीको चरम दुरुपयोग भएको पाइएको छ । कानूनले नमिल्ने भएपनि शाखा अधिकृतदेखि उपसचिवसम्मले चारपांग्रे सवारी प्रयोग गरिरहेका छन् । त्यति मात्र होइन, त्यहाँ कार्यरत कार्यालय सहयो...
तस्करी गरेर नेपाल भित्र्याइँदै गर्दा बरामद भएको रक्तचन्दनको सुरक्षा सरकारका लागि टाउको दुखाइको विषय बनेको छ । बरामद रक्तचन्दनलाई डेढ दशकदेखि शसस्त्र प्रहरीले पहरा दिइरहेको छ । देशको प्रमुख प्रशासनिक केन्द्र सिं...
महोत्तरीको पिपरा गाउँपालिकाका निवर्तमान अध्यक्ष विक्रम चौधरी र उपाध्यक्ष ननुकुमारी दासले गाउँपालिकाको स्रोतको दुरुपयोग गरेर निजी प्रयोजनका लागि दर्जनौं मोबाइल खरिद गरेको पाइएको छ। त्यति मात्र होइन, आफ्नो घरम...
धान दिवसका बेला तत्कालीन मन्त्रीहरूले कसैले गमलामा धान रोप्ने, कसैले उपद्रव तथा उच्छृंखल गरी धान दिवस मनाउँदै गर्दा मन्त्री पद समेत गुमाए । असार १५ गते सरकारले धान दिवस मनाएर औपचारिकता निभाउँछ । तथापि सरकार...
विश्वविख्यात कूटनीतिज्ञ तथा राजनीतिज्ञ विष्णु गुप्त "चाणक्य"ले राजनीतिलाई परिभाषित गर्दै भनेका छन्- "आफ्नो टार्गेट अर्थात् निशानालाई निर्धारण गरी तदनुसार तयारी गर्नु र लक्ष्य हासिल गर्नु राजनीति हो।&q...
भर्खरै मात्र राष्ट्रिय सुरक्षा नीति २०७५ ले समेत नेपाली मूल्य–मान्यता, संस्कृति, परम्परा, धर्म, भाषा, जाति, क्षेत्र र सम्प्रदाय बीचको सद्भाव भड्काउने संकीर्ण गतिविधि तथा विभिन्न प्रकृतिका अतिक्रमण र सामाजिक सञ्जा...