×

NMB BANK
NIC ASIA

पार्टी एकता गर्न राजपाले राख्यो समाजवादीसँग शर्तै–शर्त : पहिले सरकारबाट बहिर्गमन

असार १०, २०७६

NTC
Sarbottam
Premier Steels
Marvel

जनकपुरधाम – राष्ट्रिय जनता पार्टी नेपाल र समाजवादी पार्टी नेपालबीच एकीकरणको प्रयास थालिएको छ ।

Sagarmatha Cement
Muktinath Bank

दुवै पार्टीबीच पार्टी एकताका लागि समाजवादी पार्टी नेपालका अध्यक्ष उपेन्द्र यादवले राजपा नेपालका अध्यक्ष मण्डलका सदस्यसँग छुट्टाछुट्टै भेटवार्ता गरेका छन् ।


Advertisment
RMC TANSEN
IME BANK INNEWS
shivam ISLAND

यादवले पार्टी एकताका लागि सबैभन्दा पहिले राजपा अध्यक्ष मण्डलका सदस्य महन्थ ठाकुरसँग काठमाडौंमा भेटवार्ता गरेर पार्टी एकताका लागि पहल गरेका छन् । त्यसपछि समाजवादी पार्टी नेपालका नेता राजेन्द्र श्रेष्ठले हालसम्म राजपा अध्यक्ष मण्डलका अर्का सदस्य राजेन्द्र महतोसँग ३ पटक भेट गरेर कुराकानी गरिसकेको जनाइएको छ ।


Advertisment
Nabil box
Kumari

श्रेष्ठले काठमाडौंस्थित महतोको निवासमा गएर वार्ताका लागि कुराकानी गरेका छन् । स्रोतका अनुसार भेटवार्तामा महतोले पार्टी एकताका लागि समाजवादी पार्टीले सबैभन्दा पहिले संघीय सरकारबाट हट्नुपर्ने प्रस्ताव अगाडि बढाएका छन् । त्यसपछि समाजवादी पार्टीका अध्यक्ष यादवले राजपा नेपालका अध्यक्ष मण्डलका अर्का सदस्य राजकिशोर यादवसँग पनि छुट्टै भेटवार्ता गरेका छन् । राजकिशोर यादवले दुवै पार्टीबीच सिद्धान्त र नीति समेत नमिलेकाले पार्टी एकतामा समस्या हुने भनेर यादवलाई प्रष्ट जवाफ दिएका छन् । 

Vianet communication
Laxmi Bank

राजपाका शर्तै–शर्त

पार्टी एकताका लागि समाजवादी पार्टीले नै पहल थालेपनि एकीकरण हुनै नसक्ने गरी राजपाले समाजवादीसमक्ष ५ वटा शर्त राखेको छ । पहिलो शर्त हो – कार्यकारी अधिकार सहितको अध्यक्ष राजपाका नेता महन्थ ठाकुरलाई दिनुपर्ने । समाजवादी पार्टीमा अहिले उपेन्द्र यादव कार्यकारी अध्यक्ष छन् । दोस्रो – राजपाका बाँकी अध्यक्ष मण्डलका सदस्यलाई सम्मानजनक स्थान दिनुपर्ने । तेस्रो – २ नम्बर प्रदेशको मुख्यमन्त्री राजपालाई दिनुपर्ने । अहिले प्रदेशमा राजपा र समाजवादी पार्टीको गठबन्धनकै साझा सरकार रहेपनि मुख्यमन्त्री भने समाजवादी पार्टीका उपाध्यक्ष लालबाबु राउत छन् ।

चौथो – समाजवादी पार्टीले आफ्नो सिद्धान्तमा राखेको प्रत्यक्ष निर्वाचित कार्यकारी राष्ट्रपति प्रणालीलाई हटाउनुपर्ने । बहुदलीय संसदीय व्यवस्था सहितको प्रणाली नै हुनुपर्ने राजपा नेपालको प्रष्ट अडान रहेको छ । पाँचौं – २ नम्बर प्रदेशसहित प्रदेश नम्बर ५ र ७ मा समेत प्रदेश कमिटीको अध्यक्ष राजपालाई नै दिनुपर्ने राजपाको शर्त रहेको छ । यी ५ वटै माग राजपा नेपालले समाजवादी पार्टीसमक्ष अनौपचारिक रुपमा राखेको छ ।

राजपा नेपालका अध्यक्ष मण्डलका सदस्य शरदसिंह भण्डारीले भने, ‘दुवै पार्टीबीच एकताका लागि  गृहकार्य गरेर शीर्ष तहमा संवाद पनि गहन रुपमै भएको छ ।’ संघर्ष गरेर आएको परिवर्तन खतरामा रहेकाले प्राप्त उपलब्धिको रक्षा गर्न मुद्दा र सिद्धान्त मिल्ने पहिचानवादी पार्टीबीच एकता हुनुपर्ने महसूस गरी पार्टी एकताका लागि संवाद थालिएको भण्डारी बताउँछन् ।

‘प्रतिनिधि सभामा राजपा नेपाल तेस्रो ठूलो दल थियो, डा. बाबुराम भट्टराईसँगको एकतापछि समाजवादी पार्टी नेपाल पनि संख्याको आधारमा बराबरीको हैसियतमा आएको छ,’ राजपा अध्यक्ष मण्डलका सदस्य भण्डारीले भने, ‘तसर्थ २ अलग–अलग पार्टीबीच एकता हुने भएकाले बराबरीकै हैसियतमा एकता हुने हो ।’ राजपामा ६ जना अध्यक्ष छन् भन्ने कुराभन्दा पनि २ वटा छुट्टाछुट्टै पार्टीबीच एकता हुने हुनाले कुन नेताको व्यवस्थापन कसरी हुन्छ भन्ने कुरा महत्त्वपूर्ण नरहेको उनले बताए । नेताको व्यवस्थापन एकतापछि हुने महाधिवेशनले टुंगो लगाउन सक्ने हुनाले नेता व्यवस्थापन समस्या नरहेको उनले बताए ।

राजपाको पक्षमा भारतीय प्रधानमन्त्री मोदी !

भारतमा दोस्रो पटक प्रधानमन्त्रीको जिम्मेवारी सम्हालेका नरेन्द्र मोदीले राजपालाई समर्थन र सद्भाव जनाएको चर्चा पार्टीभित्र चलेको छ । त्यसको पुष्ट्याइँ गर्दै नेपालका लागि भारतीय राजदूत मञ्जिभसिंह पुरीले राजपा नेपालका अध्यक्ष मण्डलका सबै सदस्यलाई खाजा खान बोलाएर मोदीको सन्देश सुनाएको जनाइएको छ ।

जेठ २८ गते पुरीले भारतीय राजदूतावासको आवासीय हल ‘इन्डिया हाउस’मा राजपाका ६ जना अध्यक्ष मण्डलका सदस्यलाई खाजामा बोलाएर भेटवार्ता गरेका हुन् । स्रोतका अनुसार भेट वार्तामा पुरीले राजपाको प्रशंसा गरेका थिए । राजपाको अहिलेको अवस्था धेरै नै राम्रो रहेको र राजपा पार्टीभित्र आन्तरिक एकतालाई मजबुत पार्दै अगाडि बढ्नुपर्ने सुझाव उनले दिएका छन् । राजपा एक्लै राम्रो अवस्थामा रहेको उनको संकेत थियो । समाजवादी पार्टीसँग एकता नगरेपनि राजपा नेपालको राम्रो भविष्य रहेको पुरीले संकेत गरेको स्रोतको दाबी छ ।

पुरीसँग भेट वार्ता गरिसकेपछि राजपाले समाजवादी पार्टीसमक्ष एकता हुनै नसक्ने गरी प्रस्ताव राखेको बताइएको छ । नयाँ शक्ति पार्टीसँग एकता गरेपछि समाजवादी पार्टी नेपालमा पनि भित्रभित्रै आन्तरिक असन्तुष्टि रहेको स्रोतको दाबी छ । स्रोतका अनुसार प्रतिनिधि सभाका ८ जना सांसद अध्यक्ष यादवसँग असन्तुष्ट छन् ।

सरकारमा समेत रहेकाले सरकार छाड्न पार्टी भित्रबाट पनि दबाब बढिरहेकाले ती सबै विषयबाट विषयान्तर गर्ने उद्देश्यले समाजवादी पार्टी नेपालका अध्यक्ष यादवले दुवै पार्टीबीच एकताको कुरा गरेको हुनसक्ने स्रोतको दाबी छ । राजपाले पार्टी एकताका लागि शर्तै–शर्त तेर्स्याएपछि दुवै पार्टीबीच तत्काल एकता हुने सम्भावना नरहेको जनाइएको छ ।

hAMROPATRO BELOW NEWS
TATA Below
माघ २, २०८०

आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...

माघ १५, २०८०

अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

पुस १८, २०८०

देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

माघ १८, २०८०

चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x